21 noyabr 2023-cü ildə ADPU-nun Cəlilabad filialında Təbiət və sosial elmlər, onların tədrisi texnologiyası kafedrasının baş müəllimi, Tarix elmi üzrə fəlsəfə doktoru K.Kərimovanın təqdimatında “Cəlilabad rayonunun antik və ilk orta əsrlər tarixinə aid qəbir abidələrinin tədqiqi ” mövzusunda elmi seminarı keçirilib
Elmi seminarda Təbiət və sosial elmlər, onların tədrisi texnologiyası kafedrasının müdiri, Coğrafiya elmi üzrə fəlsəfə doktoru Eldar Muradlı, kafedranın baş müəllimləri: B.Məhərrəmov, E.İsmayılova, müəllimlər : Ə.Mirzəzadə, R.Sabirli, R.Niftullayev, H.Babayeva, laborant Z.Bağırova, Tədbirlərin Təşkili və tələbələrlə iş şöbəsinin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Elmi seminarda ilk olaraq Azərbaycan Respublikasının Dövlət Himni səsləndirilib, daha sonra torpaqlarımızın azadlığı uğrunda canından qanından keçən şəhidlərimizin əziz xatirəsi bir dəqiqəlik sükutla yad edilib .
Elmi seminarda XX əsr və XXI əsrin əvvəllərində Cəlilabad rayonu ərazisində aparılmış arxeoloji qazıntılar nəticəsində antik və ilk orta əsrlər tarixinə aid üzə çıxarılan qəbir abidələri haqqında ətraflı məlumat verilib. Burada aşkarlanan qəbir abidələrinin tipləri xüsusilə diqqət mərkəzində saxlanılıb, həmçinin bu qəbir tiplərində dəfn adətləri, aşkarlanıb, maddi mədəniyyət nümunələri haqqında məlumat verilib. Eyni zamanda bu istiqamətdə araşdırmaların nəticəsinin Azərbaycanın digər bölgələrindən tapılmış materiallarla müqayisəli təhlili aparılıb . Cəlilabad rayonu ərazisində antik dövr ilk orta əsrlərə aid ən geniş yayılmış qəbir tipi kimi küp qəbirlər, onların tapıldığı bölgələr, dəfn adətinin xarakterik xüsusiyyətləri haqqqında məlumatlara geniş yer verilib.
Sonda iştirakçı müəllimlər məlumatlar haqqında fikirlər bildirib , tələbələrin sualları cavablandırılıb.
