Xəbərlər

ADPU-nun Cəlilabad filialında “Milli Qurtuluş günü” ilə əlaqədar tədbir keçirilib.

14 iyun 2024-cü il tarixində ADPU-nun Cəlilabad filialında “Milli Qurtuluş günü” ilə əlaqədar tədbir keçirilib. Tədbirdə filialın direktoru, dosent X.H.Sultanlı, filialın professor-müəllim heyəti, müxtəlif struktur bölmənin əməkdaşları və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət himni səsləndirilib, daha sonra Ulu Öndərin və Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı iyunun ayının 15-nin xalqımız üçün əsl qurtuluş tarixi olduğunu bildirərək, bu tarixi yaradanın Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan Ümummilli Lider Heydər Əliyev olduğunu vurğulayıb.
Təbiət və sosial elmlər, onların tədrisi texnologiyası kafedrasının müəllimi F.Mürsəlli öz çıxışında qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi kursu uğurla davam etdirməsi faktı dayandığını bildirib.
Tədbirin sonunda tariximizə silinməz izlə yazılan “Milli Qurtuluş günü”nə həsr olunmuş video-çarx iştirakçılar tərəfindən izlənilib.

Xəbərlər

ADPU-nun Cəlilabad filialında 2023/2024-cü tədris ilinin ilin yaz semestrinin imtahan sessiyasına start verilib.

2024-cü ilin iyun ayının 3-dən etibarən ADPU-nun Cəlilabad filialında 2023/2024-cü tədris ilinin yaz semestrinin imtahan sessiyasına start verilib. İyun ayının 5-də Filialın direktoru,dosent X.H.Sultanlı və Pedaqoji fakültənin dekanı, M.A.Rəhimova imtahan zallarını ziyarət edərək imtahanların gedişatını izləyib, eyni zamanda İmtahan Qərərgahı və Apellyasiya Komissiyasının fəaliyyəti ilə tanış olublar. Qeyd edək ki, Filialda imtahanlar gün ərzində 2 növbədə təşkil olunur. 5 həftə ərzində davam edəcək imtahan sessiyasında imtahanlar əsasən yazılı, Azərbaycan dili və ədəbiyyatı müəllimliyi ixtisasında fənnin məzmunundan və tələbələrin seçimindən asılı olaraq isə bəzi fənlər şifahi formada keçiriləcək.

Xəbərlər

ADPU-nun Cəlilabad filialında 2023/2024-cü tədris ili üzrə “Pedaqoji təcrübənin yekunu” ilə əlaqədar bağlanış konfransı keçirilib.

Rəy yoxdu

26 may 2024-cü il tarixində ADPU-nun Cəlilabad filialında 2023/2024-cü tədris ili üzrə “Pedaqoji təcrübənin yekunu” ilə əlaqədar bağlanış konfransı keçirilib. Konfransda filialın pedaqoji fakültə dekanı M.A.Rəhimova, pedaqoji təcrübə rəhbəri B.Məhərrəmov, Tələbə və tədrisin idarə olunması şöbəsinin müdiri E.Muradlı, professor-müəllim heyəti və buraxılış qruplarının tələbələri iştirak edib .
Konfransı giriş nitqi ilə açan pedaqoji təcrübə rəhbəri B.C.Məhərrəmov pedaqoji təcrübənin buraxılış qrupu tələbələrinin fəaliyyətlərində mühim rol oynadığını qeyd edərək, bir çox tələbələrin məktəblərdə keçdiyi sınaq dərslərində uğur qazandıqlarını və təhkim olunduqları təhsil müəssisələrindən müsbət, xoş rəylər eşidildiyini vurğulayıb. Daha sonra cari ilin buraxılış qruplarının pedaqoji təcrübə ilə bağlı statistik nəticələrinin təhlilini dinləyicilərin diqqətinə çatdıraraq, sınaq dərslərinin məqbul və qənaətbəx olduğunu onlara söyləyib.

Xəbərlər

ADPU-nun Cəlilabad filialında “COP29”la bağlı olaraq tədbir keçirilib

Rəy yoxdu

24 may 2024-cü il tarixində ADPU-nun Cəlilabad filialında “COP29”la bağlı olaraq tədbir keçirilib.Tədbirdə filialın direktoru, dosent X.H.Sultanlı, Tələbə və tədrisin idarə olunması şöbəsinin müdiri E.Muradlı, Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisləri N.Babayev, Ş.Hüseynov, Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad olunub.
Tədbiri giriş nitqi ilə açan filialın direktoru, dosent X.H.Sultanlı COP29 Konfransının bu il Azərbaycanda keçirilməsi ilə bağlı qərarın ötən ilin dekabr ayının 11-də Dubayda keçirilən COP-28in Plener iclasında qəbul olunduğunu vurğulayıb.
Tələbə və tədrisin idarə olunması şöbəsinin müdiri E.Muradlı öz çıxışında iqlim dəyişikliklərinin canlılara, ətraf mühitə təsiri mövzusunda çıxış edərək, “BMT”-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası, yəni COP29-un məhz ölkəmizdə keçirilməsinin böyük uğur olduğunu vurğulayıb.
Təbiət və sosial elmlər, onların tədrisi texnologiyası kafedrasının baş müəllimi S.İsmayılova öz çıxışında Təbiətə antropogen təsir, dayanıqlı inkişaf və bu istiqamətdə qəbul edilmiş vacib beynəlxalq sənədlər barədə ətraflı məlumat verib.
Tədbirin sonunda Tarix və coğrafiya müəllimliyi ixtisası üzrə IV tədris ilinin tələbələri F.Nəcəfli, Ə.Nəsirlinin təqdimatında COP29-la bağlı video-çarx tədbir iştirakçılarına nümayiş etdirilib.

Xəbərlər

ADPU-nun Cəlilabad filialında “28 May – Müstəqillik Günü” ilə əlaqədar olaraq tədbir keçirilib.

Rəy yoxdu

22 may 2023-cü il tarixində ADPU-nun Cəlilabad filialında «28 May Müstəqillik Günü» ilə əlaqədar olaraq tədbir keçirilib. Tədbirdə filialın direktoru, dosent X.H.Sultanlı, Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisi Ş.Hüseynov, Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, müəllim F.Mürsəlli, Dil-ədəbiyyat, pedaqoji elmlər və onların tədrisi texnologiyası kafedrasının baş müəllimi T.İsgəndərov və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib , daha sonra vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib .
Tədbiri giriş sözü ilə filialın direktoru, dosent X.H.Sultanlı açaraq Azərbaycan Xalq Cümhuriyyətinin (1918–1920) – müsəlman Şərqində ilk dünyəvi demokratik dövlət olduğunu bildirərək 28 May- Müstəqillik gününün tariximizin ən şanlı parlaq səhifələrindən biri olduğunu vurğulayıb.
Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, Yeni qurulan Azərbaycan Xalq Cümhuriyyətinin öz üzərinə götürdüyü çətin tarixi vəzifəni şərəflə yerinə yetirdiyini bildirib.
Təbiət və sosial elmlər, onların tədrisi texnologiyası kafedrasının müəllimi F.Mürsəlli, bu dövrdə məhz Azərbaycanın ilk Parlamenti və Hökumətinin, dövlət aparatının təşkil edildiyini, ölkənin sərhədlərinin müəyyənləşdirildiyini , bayrağı, himni və gerbinin yaradıldığını , ana dilinin dövlət dili elan edildiyini söyləyib.
Dil-ədəbiyyat, pedaqoji elmlər və onların tədrisi texnologiyası kafedrasının baş müəllimi T.İsgəndərov öz çıxışında Azərbaycan Respublikasının Prezident cənab İlham Əliyevin sərəncamları ilə 2018-ci ilin ölkəmizdə “Azərbaycan Xalq Cümhuriyyəti İli” elan olunduğunu və AXC-nin 100 illik yubileyinin təntənəli şəkildə qeyd edildiyini vurğulayıb.
Tarix və coğrafiya müəllimliyi ixtisası üzrə təhsil alan III tədris ilinin tələbəsi Ə.Sadıqov da “Müstəqillik Günü” ilə bağlı öz fikirlərini tədbir iştirakçıları ilə bölüşüb və bu gün münasibətilə onları təbrik edib.
Tədbirin sonunda “ 28 May- Müstəqillik Günü”nə həsr olunan video-çarx tədbir iştirakçılarına nümayiş edilib.

Xəbərlər

ADPU-nun Cəlilabad filialının “Azərbaycan dili və ədəbiyyatı müəllimliyi ixtisası”nın 4-cü tədris ilinin tələbəsi Ağayeva Könül Ramin qızı vəfat etmişdir.

Rəy yoxdu

Təəssüf hissi ilə bildiririk ki, ADPU-nun Cəlilabad filialının “Azərbaycan dili və ədəbiyyatı müəllimliyi ixtisası”nın 4-cü tədris ilinin tələbəsi Ağayeva Könül Ramin qızı vəfat etmişdir. Filialın rəhbərliyi, professor-müəllim heyəti və tələbə kollektivi adından mərhum tələbəmizin ailə üzvlərinə və yaxınlarına dərin hüznlə başsağlığı veririk. Allah rəhmət eləsin!

Xəbərlər

“İlin gənc alimi və tədqiqatçısı” müsabiqəsində ADPU Cəlilabad filialının “Tələbə və tədrisin idarə olunması şöbəsi”nin müdiri Eldar Vidadi oğlu Muradlı II yerə laiq görülmüşdür.

Rəy yoxdu

Azərbaycan Dövlət Pedaqoji Universiteti tərəfindən keçirilən Ümummilli lider Heydər Əliyevin anadan olmasının 101-ci ildönümünə həsr olunmuş “İlin gənc alimi və tədqiqatçısı” müsabiqəsində ADPU Cəlilabad filialının “Tələbə və tədrisin idarə olunması şöbəsi”nin müdiri Eldar Vidadi oğlu Muradlı 08 may 2024-cü il tarixində II yerə laiq görülmüşdür.
Bu münasibətlə Eldar müəllimi kollektivimiz adından təbrik edir, gələcək fəaliyyətində uğurlar arzulayırıq.
Uğurlarınız davamlı olsun Eldar müəllim !

Xəbərlər

ADPU-nun Cəlilabad filialında “Ümummilli lider Heydər Əliyevin 101 illik yubileyi”nə həsr olunmuş “Vətənə,xalqa həsr edilən ömür “ adlı elmi-praktik konfrans keçirilib.

Rəy yoxdu

7 may 2024-cü il tarixində ADPU-nun Cəlilabad filialında “Ümummilli lider Heydər Əliyevin 101 illik yubileyi”nə həsr olunmuş “Vətənə,xalqa həsr edilən ömür “ adlı elmi-praktik konfrans keçirilib. Tədbirdə ADPU-nun Cəlilabad filialının direktoru dosent X.H.Sultanlı, “Tədbirlərin Təşkili, Tələbələrlə iş şöbəsinin mütəxəssis”ləri N.Babayev, Ş. Hüseynov , “Dil-ədəbiyyat, pedaqoji elmlər və onların tədrisi texnologiyası kafedrası”nın baş müəllimi T.İsgəndərov , “Təbiət və sosial elmlər, onların tədrisi texnologiyası kafedrası”nın müəllimi F.Mürsəlli və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra torpaqlarımızın azadlığı uğrunda canından, qanından keçmiş şəhidlərimizin əziz xatirəsi bir dəqiqəlik sükutla yad edilib.
Tədbiri giriş nitqi ilə açan filialın direktoru, dosent X.H.Sultanlı Ümummilli liderin həyatını məhz xalqının xoşbəxt gələcəyinə , qüdrətli Azərbaycan dövlətinin yaradılmasına və inkişafına həsr etdiyini vurğulayıb.
Daha sonra Tədbirlərin Təşkili, Tələbələrlə iş şöbəsinin mütəxəssisi N.Babayev Ulu Öndərin Təhsilə gətirdiyi tövhələrdən və islahatlardan geniş bəhs edib.
Dil-ədəbiyyat, pedaqoji elmlər və onların tədrisi texnologiyası kafedrası”nın baş müəllimi T.İsgəndərov öz çıxışında Müstəqillik dövründə Ümummilli liderin fəaliyyəti barədə tədbir iştirakçılarına dəyərli məlumatlar verib.
Təbiət və sosial elmlər, onların tədrisi texnologiyası kafedrası”nın müəllimi F.Mürsəlli Ulu Öndərin Neft Strategiyası mövzusunda atdığı uğurlu addımlardan geniş şəkildə bəhs edib.
Məktəbəqədər Təhsil ixtisasının 3-cü tədris ilinin tələbəsi T.Məmmədzadənin çıxışı eyni zamanda Azərbaycan dili və ədəbiyyatı müəllimliyi ixtisasının 2-ci tədris ilinin tələbəsi S.Səfərovanın Fikrət Qocanın Ulu Öndərə həsr olunan “Vətən oğlu” şeir ifası Konfrans iştirakçıları tərəfindən maraqlı qarşılanıb. Sonda Ümumilli lider Heydər Əliyevin həyat və yaradıcılığından bəhs edən video-çarx tədbir iştirakçıları tərəfindən izlənilib.

Xəbərlər

3 may tarixində Tələbə Elmi Cəmiyyətinin konfransı keçirilib.

Rəy yoxdu

3 may tarixində Tələbə Elmi Cəmiyyətinin konfransı keçirilib.
Konfransın əvvəlində Vətən uğrunda canından keçən şəhidlərimizin əziz xatirəsi 1 dəqiqəlik sükutla yad edilib. Açılış nitqi ilə çıxış edən filialın direktoru Dos. Xudayar Sultanlı bütün gənc tədqiqatçılara uğurlar arzulayıb. Daha sonra Tələbə Elmi Cəmiyyətinin sədri Dürdanə Əliyeva, Pedaqoji fakültə dekanı Mənzilə Rəhimova və digər münsiflər heyəti çıxış edərək gənc tədqiqatçılara tövsiyələr verib.
Konfransda ədəbiyyat, dilçilik, coğrafiya, tarix, psixologiya, pedaqogika istiqamətlərində araşdırma aparan tələbələrin tezisləri dinlənilərək, müzakirə edilib.