Author: adpu

26 Fevral 2026- cı ildə ADPU-nun Cəlilabad filialında ”Xocalı Soyqırımı”na həsr olunan “XX əsrin faciəsi ” adlı tədbir keçirilib. Tədbirdə filialın direktoru, dosent X.H.Sultanlı, Tədris və elmi işlər üzrə direktor müavini E.Muradlı, , Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, Tədbirlərin təşkili və tələbələrlə iş şöbəsinin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Tədbirdə ilk olaraq Vətən uğrunda canından, qanından keçmiş şəhidlərimizin və Xocalı qurbanlarının əziz xatirəsi 1 dəqiqəlik sükutla yad edilib.
Tədbiri filialın direktoru, dosent X.H.Sultanlı açıq elan edərək “Xocalı Soyqırımı” zamanı xalqımızın başına gətirilən müsibətlərdən tədbir iştirakçılarına bəhs edib.
Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, erməni qəsbkarlarının illərlə xalqımıza qarşı törətdikləri vandalizmdən danışıb.
Tədbirin davamında filialın tələbələri M.İsmayılova, F.İmanova, L.Əliyeva, G.Abdullayeva şeir ifaları səsləndiriblər. Daha sonra tələbələrin “Xocalı Soyqırımı”na aid hazırladıqları səhnəcik ( İ.Əhmədli, A.Məmmədli, Z.Kəlbiyeva) tədbir iştirakçılarına nümayiş edilib.Tədbirin sonunda “Xocalı soyqırımı”na həsr olunan video-çarx izlənilib.

16 fevral 2026-cı il tarixində ADPU-nun Cəlilabad filialında 2025/2026-cı tədris ili üzrə “Pedaqoji internaturanın başlanması ” ilə əlaqədar açılış konfransı keçirilib. Konfrans 2 mərhələdə təşkil olunub. Əvvəlcə filialın Azərbaycan dili və ədəbiyyatı müəllimliyi və Məktəbəqədər təhsil ixtisasının IV tədris ilinin tələbələri, daha sonra İbtidai sinif müəllimliyi IV tədris ilinin tələbələri və Tarix-coğrafiya müəllimliyi ixtisasının V tədris ilinin tələbələri ilə konfrans keçirilib.
Konfransda ADPU Cəlilabad filialının Tədris və Elmi İşlər üzrə direktor müavini E.Muradlı, Pedaqoji fakültənin dekan müavini E.İsmayılova, Pedaqoji təcrübə rəhbəri B.Məhərrəmov, Tədbirlərin təşkili və tələbələrlə iş şöbəsinin müdiri A.Səlimzadə, Tələbə və tədrisin idarə olunması şöbəsinin müdiri Q.Əhmədova, professor-müəllim heyəti , struktur bölmə rəhbərləri, əməkdaşları və buraxılış qruplarının tələbələri iştirak edib.
Konfransı giriş nitqi ilə açan filialın direktor müavini E.Muradlı pedaqoji internaturanın tələbələrin fəaliyyətlərində mühüm rol oynadığını qeyd edərək onlara uğurlar arzu edib.
Pedaqoji fakültənin dekan müavini E.İsmayılova buraxılış qruplarının tələbələrinə pedaqoji internatura dövründə etməli olduqları vacib məqamları izah edib.
Pedaqoji internatura rəhbəri B.Məhərrəmov təcrübə ilə bağlı tələbələrin təhkim olunduqları məktəb və qrupların siyahısını tələbələrə təqdim edib.
Daha sonra filialın professor-müəllim heyəti tələbələrə təcrübə dövründə uğurlar arzu ediblər.
Konfransın sonunda tələbələr müəllimlərə öz təşəkkürlərini bildirərək filialla bağlı təəssüratlarını tədbir iştirakçıları ilə bölüşüblər.

Cəlilabadda “Heydər Əliyev ideyaları ilə başlayan 30 illik inkişaf yolu” adlı forum keçirilib.
Fevralın 4-də Cəlilabad Dövlət Peşə Təhsil Mərkəzində Lənkəran – Astara Regional Gənclər və İdman İdarəsinin, Cəlilabad Rayon İcra Hakimiyyətinin, Cəlilabad Dövlət Peşə Təhsil Mərkəzinin birgə təşkilatçılığı ilə 2 Fevral – Azərbaycan Gəncləri Gününə həsr olunmuş “Gənclər Həftəsi” çərçivəsində “Heydər Əliyev ideyaları ilə başlayan 30 illik inkişaf yolu” adlı forum keçirilib.
Tədbir Azərbaycan Respublikasının Dövlət himni ilə açıq elan olunub.
Sonra Ümummilli lider Heydər Əliyevin və ölkəmizin suverenliyi, ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Forumda Cəlilabad Rayon İcra Hakimiyyətinin ictimai-siyasi və humanitar məsələlər şöbəsinin sektor müdiri Varid Əsgərov, Lənkəran – Astara Regional Gənclər və İdman İdarəsinin rəis müavini Könül Manafova, Vətən müharibəsi qəhrəmanı Rəşad Abdullayevin atası Arif Abdullayev, ADPU Cəlilabad filialının Tədris və Elmi işlər üzrə direktor müavini E.Muradlı, Elmi katib N.Babayev, İctimaiyyətlə əlaqələr üzrə məsul şəxs Ş.Hüseynov, filialın tələbə heyəti, Cəlilabad rayonu üzrə gənclər və idman sektorunun kollektivi, Cəlilabad Tibb Kollecinin, Cəlilabad Dövlət Peşə Təhsil Mərkəzinin direktoru Ramil Əmənov, müəllim və tələbələri və digər qonaqlar iştirak ediblər.
Forumda çıxış edən qonaqlar Ümummilli lider Heydər Əliyev tərəfindən əsası qoyulan və bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilən dövlət gənclər siyasətinin ölkəmizin 30 illik inkişaf yolundakı mühüm rolundan bəhs ediblər. Vurğulanıb ki, gənclər dövlətimizin gələcəyi, cəmiyyətin aparıcı qüvvəsi və milli inkişafın əsas dayağıdır.
Çıxışlardan sonra Cəlilabad rayonunun ictimai-siyasi həyatında fəallığı ilə seçilən bir qrup gənc Lənkəran-Astara Regional Gənclər və İdman İdarəsi tərəfindən fəxri fərman və təşəkkürnamələrlə təltif olunub.Təltif olunanlar sırasında ADPU Cəlilabad filialının əməkdaşı Ş.Hüseynov və filialın tələbələri də yer alıb.
Forum rəsmi hissədən sonra bədii hissə ilə davam edib. Gənc incəsənət nümayəndələrinin ifa etdikləri musiqi nömrələri iştirakçılarda xoş əhval-ruhiyyə yaradıb. Forumda 250 nəfər iştirak edib.

Fevralın 2-də Gülüstan Sarayında XI Azərbaycan Gənclər Forumu işə başlayıb. Tədbirdən öncə Forum iştirakçıları Fəxri Xiyabanda Ulu Öndər Heydər Əliyevin məzarını ziyarət ediblər.
Tədbirdə Azərbaycan Respublikasının Prezidenti cənab İlham Əliyevin gənclərə müraciəti səsləndirilib. Müraciəti Azərbaycan Respublikasının gənclər və idman naziri Fərid Qayıbov oxuyub.
Tədbirdə əmək və əhalinin sosial müdafiəsi naziri Anar Əliyev, elm və təhsil nazirinin müavini Firudin Qurbanov, mədəniyyət nazirinin müavini Murad Hüseynov və eləcə də Prezident mükafatçıları Sərxan Ağadadaşov və Lamiyə Məmmədova çıxış ediblər.
2026-cı il Gənclər üçün Prezident mükafatlarının verilməsi haqqında Azərbaycan Respublikası Prezidentinin Sərəncamı oxunub. Sonra gənclərə mükafatlar təqdim edilib. Mükafatları Prezident Administrasiyası Gənclər siyasəti və idman məsələləri şöbəsinin müdiri Yusuf Məmmədəliyev, gənclər və idman naziri Fərid Qayıbov, əmək və əhalinin sosial müdafiəsi naziri Anar Əliyev, elm və təhsil nazirinin müavini Firudin Qurbanov, mədəniyyət nazirinin müavini Murad Hüseynov təqdim ediblər.
Tədbirdə ADPU Cəlilabad filialının İctimaiyyətlə əlaqələr üzrə məsul şəxsi Şəmsi Hüseynov və filialın tələbəsi Aynur Qəhrəmanova da iştirak edib.
Rəsmi hissədən sonra Forum “Azərbaycan Gəncləri – 2035: Strateji baxış və prioritetlər” sessiyası ilə davam edib.
Forumun davamı 3 fevralda Xankəndi Konqres Mərkəzində “Şəhərsalma və Memarlıq İli” sessiyası və Gənclərin potensialı – milli inkişaf naminə” mövzusunda vörkşop olacaq.
Azərbaycan Gənclərinin ilk Forumunun 30 illik yubileyi çərçivəsində keçirilən XI Forumun əsas məqsədi gənclərin son üç onillikdə qazandığı nailiyyətlərin ümumiləşdirilməsi, növbəti onillik üçün strateji baxışın formalaşdırılması və gənclərin potensialının milli prioritetlərə uyğun səfərbər edilməsidir.

19 Yanvar 2026-cı ildə ADPU-nun Cəlilabad filialında “20 Yanvar – Ümumxalq Hüzn Günü” ”nə həsr olunan tədbir keçirilib. Tədbirdə filialın direktoru, dosent X.H.Sultanlı, professor-müəllim heyəti, struktur-bölmə rəhbərləri və əməkdaşları və müxtəlif ixtisaslar üzrə tələbələr iştirak ediblər.
Tədbirdə ilk olaraq Vətən uğrunda canından, qanından keçmiş şəhidlərimizin əziz xatirəsi 1 dəqiqəlik sükutla yad edilib.
Daha sonra filialın direktoru, dosent X.H.Sultanlı çıxış edərək “20 Yanvar” hadisələrində xalqımızın çəkdiyi zülmlərdən bəhs edərək tarixi faktlara toxunmuşdur.
Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə 20 Yanvar günü qətlə yetirilən, sürgün olunan və itgin düşmüş vətəndaşlarımız barədə və tarixi günün statistik rəqəmləri haqqında tədbir iştirakçılarına geniş məlumat vermişdir .
Tədbirin sonunda Məktəbəqədər təhsil ixtisasının I tədris ilinin tələbələri A.Məmmədli , G.Məmmədli “20 Yanvar – Ümumxalq Hüzn Günü” ilə əlaqədar çıxışlarını edib və şeir ifası səsləndiriblər.

ADPU-nun Cəlilabad filialında payız semestrinin imtahan sessiyasına 2025-ci ilin dekabr ayının 29-dan etibarən start verilib.
Filialın direktoru, dosent X.H.Sultanlı, Tədris və Elmi işlər üzrə direktor müavini E.Muradlı, Pedaqoji fakültənin dekan müavini E.İsmayılova imtahan prosesinin gedişi ilə tanış olmaq məqsədilə auditoriyalarda olublar.
ADPU Cəlilabad filialında imtahan sessiyası prosesinin effektiv təşkili və tələbələrin rahatlığının təmin edilməsi məqsədilə imtahanlar I tədris korpusunda təşkil edilir. İmtahanlar 09:00, 12:00 olmaqla 2 növbədə təşkil edilir.
Payız semestrinin imtahan sessiyasında tələbələrin imtahan nəticələrinin qiymətləndirilməsində yarana biləcək neqativ hallarla bağlı şikayətlərin araşdırılması və düzgün qiymətləndirməni təmin etmək məqsədilə İmtahan Qərargahı və Apellyasiya Komissiyası yaradılıb. Tələbələr imtahan qiymətlərinin elan olunmasından sonra növbəti 1 gün ərzində İmtahan Qərargahına müraciət edə bilərlər. Şəffaflığın və obyektivliyin təmin edilməsi məqsədilə könüllü tələbələrdən ibarət müşahidə qrupu yaradılmışdır. Eləcə də ictimaiyyət nümayəndələri üçün sessiya prosesinin müşahidəsi üçün şərait yaradılır.

25 dekabr 2025-ci ildə ADPU-nun Cəlilabad filialında “EDU Company’’ Təhsil şirkəti tərəfindən tələbələr üçün MİQ seminarı, Magistr və MİQ üzrə imtahanlar təşkil edilib.
İmtahan bitdikdən sonra həm imtahanda iştirak edən tələbələrlə, həm də filial əməkdaşlarının iştirakı ilə disskusiya xarakterli seminar təşkil olunub.
Tədbirdə ADPU-nun Cəlilabad filialının direktoru, dosent X.H.Sultanlı, Məzun koordinasiya və karyera üzrə mütəxəssis R.Sabirli, İnsan resursları və kargüzarlıq şöbəsinin kargüzarı Z.Qocazadə, İctimaiyyətlə əlaqələr üzrə məsul şəxs Ş.Hüseynov, “EDU Company’’ Təhsil şirkəti -Neftçilər və Xalqlar filialının rəhbəri K.Məmmədrzayev, filialının rəhbər müavinləri M.Əsədli, T.Təhməzli, Neftçilər filialının magist və miq üzrə əməkdaşı H.Pirimova, MİQ üzrə kurator və kurikulum müəllimi E.Əhmədov, MİQ üzrə kurikulum müəllimi A.Məmmədova və müxtəlif ixtisaslar üzrə tələbələr iştirak ediblər.
Seminarda fərqlənən tələbələrə qonaqlar tərəfindən müxtəlif hədiyyələr və seminar iştirakçılarına sertifikatlar təqdim olunub.

23 dekabr 2025-ci ildə ADPU-nun Cəlilabad filialında Dünya Azərbaycanlılarının Həmrəylik Günü və Yeni İl münasibətilə Bayram tədbiri keçirilmişdir. Professor-müəllim heyətinin, struktur bölmə rəhbərləri və əməkdaşlarının, müxtəlif ixtisaslar üzrə tələbələrin qatıldığı tədbirdə Filialının Tədris və Elmi işlər üzrə direktor müavini E.Muradlı geniş nitqlə Bayram təbriki söyləyib. Bildirmişdir ki, yola salmaqda olduğumuz 2025-ci il doğma vətənimiz Azərbaycanın daha geniş inkişafını, tərəqqisini, bütün sahələrdə olduğu kimi təhsil sahəsində də uğurlarla xatırlayacağımız il olmuşdur.
Daha sonra filialın professor-müəllim heyəti də tədbir iştirakçılarını təbrik edib onlara 2026-cı ildə uğurlar arzu ediblər.
Tədbirin davamında Şaxta Baba və Qar Qız səhnəyə daxil olub . Onların iştirakı ilə püşkatma keçirilib və tələbələrə hədiyyə təqdim olunub. Tədbir iki formatda “Rəsmi və Bədii” təşkil olunub. Bədii hissədə müxtəlif maraqlı oyunlar təşkil olunub. Tədbir professor-müəllim heyəti və tələbələrin qarşılıqlı rəqs etməsi ilə davam edib.

Doğum Gününüz mübarək Cənab Prezident!

22 dekabr 2025-ci ildə Təbiət və sosial elmlər, onların tədrisi texnologiyası kafedrasının baş müəllimi F.Mürsəllinin “Mobil texnologiyalar vasitəsilə tarixin tədrisi ” mövzusunda elmi seminarı keçirilib. Elmi seminarda dekan müavini E.İsmayılova, Təbiət və sosial elmlər, onların tədrisi texnologiyası kafedrasının müdiri S.İsmayılova, filialın müəllimləri və tələbələr iştirak ediblər. Elmi seminarda baş müəllim F. Mürsəlli “ Tarix fənninin tədrisində innovativ yanaşmalar, mobil texnologiyalar və immersiv öyrənmə mühiti, tarixi biliklərin interaktiv təqdimatının əhəmiyyəti” mövzularında tədbir iştirakçılarına məlumat verib və seminar qarşılıqlı disskusiyasa şəklində davam edib.