Author: adpu

ADPU Cəlilabad filialında yaz semestrinin imtahan sessiyasına 2026-cı ilin iyun ayının 1-dən etibarən start verilib.
Filialın direktoru, dosent X.H.Sultanlı, Tədris və elmi işlər üzrə direktor müavini E.Muradlı, Pedaqoji fakültənin dekanı E.İsmayılova imtahan prosesinin gedişi ilə tanış olmaq məqsədilə auditoriyalarda olublar.
ADPU Cəlilabad filialında imtahan sessiyası prosesinin effektiv təşkili və tələbələrin rahatlığının təmin edilməsi məqsədilə imtahanlar I tədris korpusunda təşkil edilir. İmtahanlar 09:00, 12:00 olmaqla 2 növbədə təşkil edilir.
Yaz semestrinin imtahan sessiyasında tələbələrin imtahan nəticələrinin qiymətləndirilməsində yarana biləcək neqativ hallarla bağlı şikayətlərin araşdırılması və düzgün qiymətləndirməni təmin etmək məqsədilə İmtahan Qərargahı və Apellyasiya Komissiyası yaradılıb. Tələbələr imtahan qiymətlərinin elan olunmasından sonra yarana biləcək etirazlarla bağlı növbəti 1 gün ərzində İmtahan Qərargahına müraciət edə bilərlər. Şəffaflığın və obyektivliyin təmin edilməsi məqsədilə könüllü tələbələrdən ibarət müşahidə qrupu yaradılmışdır. Eləcə də ictimaiyyət nümayəndələri üçün sessiya prosesinin müşahidəsi üçün şərait yaradılır.

25 may 2026- ci ildə ADPU Cəlilabad filialında “28 May Müstəqil Günü ” ilə əlaqədar tədbir keçirilib
Tədbirdə Filialın direktoru, dosent X.H.Sultanlı, Filialın baş müəllimləri Ə.Mirzəzadə, F.Rzayev, struktur-bölmə əməkdașları və müxtəlif ixtisaslar üzrə tələbələr iştirak ediblər .
Tədbirdə ilk olaraq Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ile açıq elan edən X.H.Sultanlı vurğulayıb ki , Müstəqillik günü xalqımızın tarixində silinməz tarixi günlərdən biridir. Müstəqillikdən günü ile bağlı vacib məqamlara toxunduqdan sonra dosent X.H.Sultanlı sözü filialın baş müəllimi Ə. Mirzəzadə təqdim edib. O, öz çıxışında Müstəqillik günü ilə bağlı bir sıra tarixi məlumatlara və statistik məqamlara toxunub. Tədbirin sonunda Filial rəhbərliyi tərəfindən öncəki tədbirlərdə fərqlənən tələbələrə “Fəxri Fərman “ və “Sertifikatlar” təqdim edilib.

21.05.2026-cı il tarixində ADPU Cəlilabad filialında Xalq şairi Səməd Vurğunun anadan olmasının 120 illiyi ilə əlaqədar tədbir keçirilib. Tədbir filialın Pedaqoji fakültə dekanlığı, Dil-ədəbiyyat və pedaqoji elmlər, onların tədrisi texnologiyası kafedrası, Tədbirlərin təşkili və tələbələrlə iş şöbəsinin birgə təşkilatçılığı ilə həyata keçirilib.
Tədbirdə ADPU Cəlilabad filialının direktoru, dosent X.H.Sultanlı, direktor müavini, c.ü.f.d E. Muradlı , Pedaqoji fakültənin dekanı p.ü.f.d E.İsmayılova, professor M.Allahmanov, Dil-ədəbiyyat və pedaqoji elmlər, onların tədrisi texnologiyası kafedrasının müdiri Y.Dadaşlı, Təbiət və sosial elmlər, onların tədrisi texnologiyası kafedrasının müdiri S.İsmayılova, Tələbə və tədrisin idarə olunması şöbəsinin müdiri Q.Əhmədova, Elmi katib N.Babayev, filialın baş müəllimləri T.İsgəndərov, M.Qasımov və müxtəlif ixtisaslar üzrə tələbələri iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib. Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı, Səməd Vurğunun Azərbaycan milli şeir sənətinin ulduzu olduğunu vurğulayaraq onun bir sıra şeirlərini səsləndirib. Daha sonra tələbələrə hər zaman Xalq şairinin yaradıcılığına istinad edərək onun şeirlərini öyrənməyi məsləhət görüb.
Tədbirin davamında direktor müavini E.Muradlı, dosent Y.Dadaşlı, professor M.Allahmanov, dekan E.İsmayılova, elmi katib N.Babayev, baş müəllimlər M.Qasımov, T.İsgəndərov şairin həyat və yaradıcılıqlarına istinad edərək onun bir sıra şeir və əsərləri barədə dolğun məlumatları tədbir iştirakçıları ilə bölüşüblər.
Daha sonra Z.Quliyevanın təqdimatı əsasında filialın tələbələri olan M.Hüseynzadə, L.Fətəliyeva, M.İsmayılova, F.İmanova, L.İbadova şairə məxsus olan şeirləri səsləndirərək təhlil ediblər.
Daha sonra TGT nəzdində fəaliyyət göstərən Şən Hazırcavablar klubunun (ŞHK) hazırladığı “Vaqif” pyesi Ə.Abdullazadə, İ.Cabbarov, O.Məhəmmədov, C.Quluzadə, İ.Dadaşlı, E.Rzayev, T.Zeynalov, X.Rzazadə, Ə.Kərimov, X.Əliyev, İ.Əhmədli, S.Fərəclinin təqdimatı əsasında səhnələşdirilib.

12 may 2026-cı ildə ADPU Cəlilabad filialında Pedaqoji fakültənin dekanı, p.ü.f.d İsmayılova Elnarə Ataməli qızının “Tələbələrdə sağlam həyat tərzinin formalaşdırılması yolları” mövzusunda elmi seminarı keçirilib.
Elmi seminarda Təbiət və sosial elmlər,onların tədrisi texnologiyası kafedrasının müdiri S.İsmayılova, filialın baş müəllimi F.Rzayev, Ə.Mirzəzadə, T.İsgəndərov, A.Hüseynov, professor-müəllim heyəti və müxtəlif ixtisaslar üzrə tələbələr iştirak ediblər. Elmi seminarın əsas mövzusunu ali pedaqoji təhsil müəssisələri tələbələrində sağlam həyat tərzinin formalaşdırılmasının nəzəriyyə və təcrübənin öyrənilməsindən, təhlil edilməsi, monitorinqi nəticəsində bu sahədə yeni üsulların, formaların və təkliflərin irəli sürülməsindən yararlanmağın faydaları təşkil edib.

8 may 2026-cı il tarixində Azərbaycan Dövlət Pedaqoji Universitetinin Cəlilabad filialında Tədbirlərin Təşkili və Tələbələrlə İş Şöbəsinin, Tələbə Gənclər Təşkilatının nəzdində fəaliyyət göstərən İdman klubunun təşkilatçılığı ilə həyata keçirilən Ümummilli Lider Heydər Əliyevin anadan olmasının 103-cü ildönümünə həsr olunan voleybol turnirinin Final oyunu baş tutub . Final oyunu Zirvə və Zəfər 44 komandaları arasında həyata keçirilib. Yekunda isə Zirvə komandası Zəfər 44 komandasını 3-1 hesabı ilə məğlub edərək kubokun sahibi olub.
Turnirin yekununda Filial rəhbərliyi tərəfindən I və II yerin sahiblərinə, eyni zamanda tədbirdə aktiv iştirak edən tələbələrə sertifikat təqdim edilib.

6 may 2026-cı il tarixində Azərbaycan Dövlət Pedaqoji Universitetinin Cəlilabad filialında Tədbirlərin Təşkili və Tələbələrlə İş Şöbəsinin, Tələbə Gənclər Təşkilatının nəzdində fəaliyyət göstərən İdman klubunun təşəbbüsü baş Ümummilli Lider Heydər Əliyevin anadan olmasının 103-cü ildönümünə həsr olunan voleybol turnirinin açılış mərasimi baş tutub. Turniri Universitetin direktoru dosent Xudayar Sultanlı açaraq komandalara uğurlar arzulayıb. İlk açılış günü üz-üzə gələn komandalardan Zərbə və Zəfər komandaları arasında baş verən ilk oyunda 2 set qalib gələrək Zərbə komandası adını yarımfinala yazdırdı.
Daha sonra isə ikinci oyunda üz-üzə gələn The best of 23 və Qartallar komandası arasında baş verən oyunda The best of 23 komandası 2 setlik üstünlüklə Zərbə komandası ilə birgə adını yarımfinala yazdırdı.
Daha sonra Zirvə və İmplus həmçinin Qələbə ruhu və Bermud komdaları arasında baş verən yarışda Zirvə və Bermud birlikdə adlarını yarımfinala yazdırdı.

4 may 2026-cı ildə ADPU-nun Cəlilabad filialında “Təhsil Tələbə Krediti Fondu”nun (TTKF) təşkilatçılığı ilə tədbir keçirilmişdir. Tədbirdə Təhsil Tələbə Krediti Fondunun Təhsil müəssisələri ilə iş şöbəsinin baş mütəxəssisi Günay Xəlilova, struktur-bölmə rəhbərləri və əməkdaşları, müxtəlif ixtisaslar üzrə tələbələr iştirak ediblər. Təhsil müəssisələri ilə iş şöbəsinin baş mütəxəssisi Günay Xəlilova Təhsil Tələbə Krediti haqqında tələbələrə geniş məlumatlar təqdim edib. Eyni zamanda TTKF-dan istifadə etmə qaydaları və müraciətin necə olunması barədə izahlar verib. Sonda isə tələbələrin suallarının cavablandırılması ilə tədbir yekunlaşıb.

1 may 2026-cı ildə Azərbaycan Dövlət Pedaqoji Universitetinin Cəlilabad filialında FHN-nin Cənub Regional Mərkəzinin təşkilatçılığı ilə “Əhalinin fövqəladə hallar zamanı mühafizəsinin təşkili “ mövzusunda tədbir keçirilib. Tədbirdə Filialın Tədris və Elmi İşlər üzrə direktor müavini E.Muradlı, İctimaiyyətlə əlaqələr üzrə məsul şəxs Ş.Hüseynov, FHN-nin Cənub Regional Mərkəzin Mülki Müdafiə idarəsinin Mülki müdafiəyə hazırlıq şöbəsinin baş zabiti,mayor Elşən Ələkbərov, mayor Nizami Dadaşov, FHN-nin Cənub Regional Mərkəzin Mülki Müdafiə idarəsinin Mülki Müdafiə tədbirlərinin planlaşdırması şöbəsinin zabiti, baş leytenant Murad Babayev və müxtəlif ixtisaslar üzrə tələbələr iştirak edib.Tədbir zamanı əhalinin fövqəladə hallar zamanı mühafizəsinin təşkili, eləcə də mülki müdafiə tədbirlərinin mahiyyəti barədə dinləyicilərə geniş məlumat verilmiş və Fövqəladə Hallar Nazirliyi tərəfindən hazırlanmış maarifləndirici video-çarx nümayiş olunmuşdur.

27 aprel 2026-cı ildə Azərbaycan Dövlət Pedaqoji Universitetinin Cəlilabad filialı və Psixoloji xidmət və reabilitasiya mərkəzi arasında “Əməkdaşlıq Memorandumu” imzalanıb.
Memorandum ADPU-nun Cəlilabad filialının direktoru, dosent X.H.Sultanlı və Psixoloji xidmət və reabilitasiya mərkəzinin rəhbəri A.Kərimli tərəfindən imzalanıb. . Əməkdaşlıq Memorandumunun imzalanmasının əsas məqsədini psixologiya üzrə təhsil alan tələbələrə bu sahədə bacarıqlarını inkişaf etdirmə və bu elmə aid biliklərin daha da dərindən formalaşdırılması təşkil edib.

23.04.2026-cı il tarixində ADPU Cəlilabad filialının və Cəlilabad Rayon Mərkəzləşdirilmiş Kitabxana Sisteminin birgə təşkilatçılığı ilə Azərbaycan Respublikası Prezidentinin sərəncamına əsasən böyük filosof Xaqani Şirvaninin anadan olmasının 900 illiyi ilə əlaqədar “Şeir sənətinin zirvəsini fəth edən insan “adlı şeir gecəsi keçirildi.
Gecədə ADPU Cəlilabad filialının direktoru,dosent Xudayar Sultanlı, direktor müavini Eldar Muradlı , filialın baş müəllimləri Tofiq İsgəndərov, Ələsgər Mirzəzadə, Ictimaiyyətlə əlaqələr üzrə məsul şəxs Ş. Hüseynov, Şair ,AYB -nin üzvü Əfrahim Abbas,Şair qiraətçi Mikayıl İncəçaylı,Tarix müəllimi,bədii qiraətçi Adıgözəl Nuriyev, Şəhər bələdiyyə sədrinin müavini Elçin Hüseynov, Şair Qurban Əhməd , Müəllim Dadaş Bayramov və Filialın müxtəlif ixtisaslar üzrə tələbələri iştirak edirdilər.
İlk öncə Azərbaycan Respublikasının Dövlət Himni səsləndirildi . Sonra Ulu öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.
Gecənin aparıcısı MKS-nin metodisti Müşahidə Nərimanova giriş sözü ilə çıxış edərək vurğuladı ki, Şairləri qartala bənzədirlər. Axı, qartallar zirvədə yaşayır, şairləri də, yüksəklik həmişə özünə səsləyir. Axı, qartallar mavi səmalarda süzüb yerə, insanlara, həyata tamaşa eləməkdən həzz alırlar. Şairlər də həyatın fövqündə dayanıb həyata baxır. Onlar həyata uzaqdan baxmaq istəmir. Azərbaycan milli mədəniyyətini min bir ulduzlu göyə bənzətmək olar. Bu sönməz ulduzların arasında ən gur işıq saçanların, öz şəkli, öz adı və öz səmti olanlardan biri də Əfzələddin Xaqani Şirvanidir. Xaqani bizə xalqın ürəyindən axıb gəlmişdir. Onun həmişəcavan poeziyası şeir aşiqlərinin qəlbində, dilində doqquz əsrə yaxındır ki, ömür sürüb, damcı-damcı bir yerə toplanıb və bu gün bizim gördüyümüz ümmanı yaradıbdır.
Tədbirdə iştirak edən qonaqlar da çıxışlarında vurğuladılar ki, Xaqani Şirvani vətənini dərin bir məhhəbbətlə sevən bir şair idi. Daim vətəni tərənnüm edən şeirləri, əsərləri bu günə qədər sevilir və hər bir gələcək nəslə örnək və nümunədir. Şairin yazdığı “Savalan dağının tərifi” vətənpərvərlik mövzusunda yazılmış öz qiymətli fikri-bədii keyfiyyətləri etibarı ilə xüsusi yer tutan əsərdir.
Tədbirdə filialın tələbələri Xaqani Şirvanin qəzəllərindən səsləndirdilər və “Həbsdən şikayət”adlı səhnəcik ifa etdilər.