Author: adpu

ADPU-nun Cəlilabad filialında payız semestrinin imtahan sessiyasına 2025-ci ilin dekabr ayının 29-dan etibarən start verilib.
Filialın direktoru, dosent X.H.Sultanlı, Tədris və Elmi işlər üzrə direktor müavini E.Muradlı, Pedaqoji fakültənin dekan müavini E.İsmayılova imtahan prosesinin gedişi ilə tanış olmaq məqsədilə auditoriyalarda olublar.
ADPU Cəlilabad filialında imtahan sessiyası prosesinin effektiv təşkili və tələbələrin rahatlığının təmin edilməsi məqsədilə imtahanlar I tədris korpusunda təşkil edilir. İmtahanlar 09:00, 12:00 olmaqla 2 növbədə təşkil edilir.
Payız semestrinin imtahan sessiyasında tələbələrin imtahan nəticələrinin qiymətləndirilməsində yarana biləcək neqativ hallarla bağlı şikayətlərin araşdırılması və düzgün qiymətləndirməni təmin etmək məqsədilə İmtahan Qərargahı və Apellyasiya Komissiyası yaradılıb. Tələbələr imtahan qiymətlərinin elan olunmasından sonra növbəti 1 gün ərzində İmtahan Qərargahına müraciət edə bilərlər. Şəffaflığın və obyektivliyin təmin edilməsi məqsədilə könüllü tələbələrdən ibarət müşahidə qrupu yaradılmışdır. Eləcə də ictimaiyyət nümayəndələri üçün sessiya prosesinin müşahidəsi üçün şərait yaradılır.

25 dekabr 2025-ci ildə ADPU-nun Cəlilabad filialında “EDU Company’’ Təhsil şirkəti tərəfindən tələbələr üçün MİQ seminarı, Magistr və MİQ üzrə imtahanlar təşkil edilib.
İmtahan bitdikdən sonra həm imtahanda iştirak edən tələbələrlə, həm də filial əməkdaşlarının iştirakı ilə disskusiya xarakterli seminar təşkil olunub.
Tədbirdə ADPU-nun Cəlilabad filialının direktoru, dosent X.H.Sultanlı, Məzun koordinasiya və karyera üzrə mütəxəssis R.Sabirli, İnsan resursları və kargüzarlıq şöbəsinin kargüzarı Z.Qocazadə, İctimaiyyətlə əlaqələr üzrə məsul şəxs Ş.Hüseynov, “EDU Company’’ Təhsil şirkəti -Neftçilər və Xalqlar filialının rəhbəri K.Məmmədrzayev, filialının rəhbər müavinləri M.Əsədli, T.Təhməzli, Neftçilər filialının magist və miq üzrə əməkdaşı H.Pirimova, MİQ üzrə kurator və kurikulum müəllimi E.Əhmədov, MİQ üzrə kurikulum müəllimi A.Məmmədova və müxtəlif ixtisaslar üzrə tələbələr iştirak ediblər.
Seminarda fərqlənən tələbələrə qonaqlar tərəfindən müxtəlif hədiyyələr və seminar iştirakçılarına sertifikatlar təqdim olunub.

23 dekabr 2025-ci ildə ADPU-nun Cəlilabad filialında Dünya Azərbaycanlılarının Həmrəylik Günü və Yeni İl münasibətilə Bayram tədbiri keçirilmişdir. Professor-müəllim heyətinin, struktur bölmə rəhbərləri və əməkdaşlarının, müxtəlif ixtisaslar üzrə tələbələrin qatıldığı tədbirdə Filialının Tədris və Elmi işlər üzrə direktor müavini E.Muradlı geniş nitqlə Bayram təbriki söyləyib. Bildirmişdir ki, yola salmaqda olduğumuz 2025-ci il doğma vətənimiz Azərbaycanın daha geniş inkişafını, tərəqqisini, bütün sahələrdə olduğu kimi təhsil sahəsində də uğurlarla xatırlayacağımız il olmuşdur.
Daha sonra filialın professor-müəllim heyəti də tədbir iştirakçılarını təbrik edib onlara 2026-cı ildə uğurlar arzu ediblər.
Tədbirin davamında Şaxta Baba və Qar Qız səhnəyə daxil olub . Onların iştirakı ilə püşkatma keçirilib və tələbələrə hədiyyə təqdim olunub. Tədbir iki formatda “Rəsmi və Bədii” təşkil olunub. Bədii hissədə müxtəlif maraqlı oyunlar təşkil olunub. Tədbir professor-müəllim heyəti və tələbələrin qarşılıqlı rəqs etməsi ilə davam edib.

Doğum Gününüz mübarək Cənab Prezident!

22 dekabr 2025-ci ildə Təbiət və sosial elmlər, onların tədrisi texnologiyası kafedrasının baş müəllimi F.Mürsəllinin “Mobil texnologiyalar vasitəsilə tarixin tədrisi ” mövzusunda elmi seminarı keçirilib. Elmi seminarda dekan müavini E.İsmayılova, Təbiət və sosial elmlər, onların tədrisi texnologiyası kafedrasının müdiri S.İsmayılova, filialın müəllimləri və tələbələr iştirak ediblər. Elmi seminarda baş müəllim F. Mürsəlli “ Tarix fənninin tədrisində innovativ yanaşmalar, mobil texnologiyalar və immersiv öyrənmə mühiti, tarixi biliklərin interaktiv təqdimatının əhəmiyyəti” mövzularında tədbir iştirakçılarına məlumat verib və seminar qarşılıqlı disskusiyasa şəklində davam edib.

22 dekabr 2025-ci il tarixində ADPU-nun Cəlilabad filialında “Konstitusiya və Suverenlik ili”nə həsr olunan tədbir keçirilib. Tədbirdə filialın direktoru , dosent X.H.Sultanlı, Tədbirlərin təşkili və tələbələrlə iş şöbəsinin müdiri A.Səlimzadə, Təbiət və sosial filialın baş müəllimləri Ş.Namazova, T.İsgəndərov və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət himni səsləndirilib, daha sonra torpaqlarımızın azadlığı uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı, Azərbaycan Respublikasının Konstitusiya layihəsinin hazırlanmasının , heç bir mübaliğəyə yol vermədən, müstəqil dövlətçiliyimizin qurucusu, Ümummilli Lider Heydər Əliyevin əsəri olduğunu bildirib.
Təbiət və sosial elmlər onların tədrisi texnologiyası kafedrasının baş müəllimi Ş.Namazova , 2020-ci il sentyabrın 27-də Ermənistanın təxribatlarına cavab olaraq başlanmış Vətən müharibəsində tarixi qələbə və 2023-cü il sentyabrın 19–20-də həyata keçirilmiş uğurlu antiterror əməliyyatı nəticəsində ölkəmizin ərazi bütövlüyü və suverenliyi tam bərpa edildiyini vurğulayıb.
Tədbirin davamında filialın tələbələri A.Məmmədli, S.Fərəcova, F.Eyvazlı tədbirlə bağlı öz çıxışlarını ediblər.

Elm və Təhsil Nazirliyi yanında İctimai Şuranın təşəbbüsü ilə 20 dekabr 2025-ci il tarixində Azərbaycan Dövlət Pedaqoji Universitetinin Cəlilabad filialında professor-müəllim heyəti və tələbələrlə görüş keçirilib.
Tədbirdə ADPU-nun Cəlilabad filialının direktoru, dosent X.H.Sultanlı, İctimai Şuranın sədri professor Hikmət Əlizadə, Şuranın katibi, xarici dil üzrə ekspert Günay Əkbərova və Milli Məclisin Elm və Təhsil Komitəsinin üzvü, deputat Ceyhun Məmmədov, filialın professor-müəllim heyəti , struktur-bölmə rəhbərləri və əməkdaşları , müxtəlif ixtisaslar üzrə tələbələr iştirak ediblər.
Filialın direktoru, dosent X.H.Sultanlı filialda tələbələr üçün təsis edilmiş Adlı təqaüdlər, yeni “Keyfiyyət siyasəti” və “Cəmiyyətə xidmət və sosial töhfə siyasəti” sənədləri, eləcə də tədris və sosial infrastruktur barədə məlumat verib. O, filialda yaradılan İnklüziv təhsil laboratoriyası barədə məlumatı diqqətə çatdırıb. Daha sonra tələbə klublarının fəaliyyətindən, gənclərin asudə vaxtının səmərəli təşkilindən danışıb.
Professor Hikmət Əlizadə ənənəvi və interaktiv təlim modelləri arasındakı fərqlərdən danışaraq, müasir təhsildə şagirdyönümlü yanaşmanın və müəllimin fasilitator rolunun əhəmiyyətini vurğulayıb.
Deputat Ceyhun Məmmədov çıxışında süni intellektin təhsildə və elmi tədqiqatlarda rolu, innovativ tədris metodlarının əhəmiyyəti, gənclərin yaradıcı düşüncə qabiliyyətinin inkişafı və milli-mənəvi dəyərlərin qorunmasının vacibliyindən bəhs edib.
İctimai Şuranın katibi Günay Əkbərova müəllimlərin peşəkar inkişafı, inklüziv təhsilin təşviqi və gənclərdə ömürboyu öyrənmə mədəniyyətinin formalaşdırılmasının önəmini qeyd edib.
Sonda iştirakçılar bölgələrdə bu cür görüşlərin davamlı təşkilinin əhəmiyyətini vurğulayıb, Elm və Təhsil Nazirliyi yanında İctimai Şuraya və deputat Ceyhun Məmmədova təşəkkür ediblər.

19 dekabr 2025-ci ildə ADPU-nun Cəlilabad filialında “AMEA-nın 80 illik yubiley tədbirində Azərbaycan Respublikası Prezidenti cənab İlham Əliyevin çıxışı və qarşıda duran vəzifələr”mövzusunda dəyirmi masa təşkil olunub. Tədbirdə ADPU-nun Cəlilabad filialının direktoru, dosent X.H.Sultanlı, Tədbirlərin təşkili və tələbələrlə iş şöbəsinin müdiri A.Səlimzadə, filialın baş müəllimləri Ş.Namazova, T.İsgəndərov, İctimaiyyətlə əlaqələr üzrə məsul şəxs Ş.Hüseynov və müxtəlif ixtisaslar üzrə tələbələr iştirak
ediblər.
Tədbiri giriş sözü ilə açan filialın direktoru, dosent X.H.Sultanlı Azərbaycan Milli Elmlər Akademiyasının və Azərbaycan alimləri bundan sonra da ölkəmizin uğurlu inkişafına öz töhfələrini verəcəyini vurğulayıb.O, Akademiyanın 80 il ərzində böyük yol keçdiyini bildirərək Azərbaycanda elmin inkişafında aparıcı rol oynadığını söyləyib.
Daha sonra filialın Dil-ədəbiyyat, pedaqoji elmlər və onların tədrisi texnologiyası kafedrasının baş müəllimi T.İsgəndərov Azərbaycan dilinin çox zəngin dil olduğunu bildirərək, bu gün 50 milyondan çox insan üçün Azərbaycan dilinin ana dili olduğunu söyləyib.
Təbiət və sosial elmlər, onların tədrisi texnologiyası kafedrasının baş müəllimi Ş.Namazova Bu gün Azərbaycanın suveren torpaqlara sahib olduğunu bildirərək ərazimizdə işğalçı qüvvələrin artıq olmadığını bildirib.

10 dekabr 2025-ci il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə “Xalq şairi Bəxtiyar Vahabzadənin 100 illik yubileyinə” həsr olunan şeir müsabiqəsi keçirilib . Müsabiqədə müxtəlif ixtisaslar üzrə tələbələr iştirak ediblər. Tələbələrin şeir ifaları münsiflər heyəti tərəfindən dinlənilərək qiymətləndirilib. Nəticələrə əsasən ilk 3 yerin sahiblərini və həvəsləndirmə ilə təltif olunan tələbələrin siyahısını nəzərinizə çatdırırıq.
I yer – Azərbaycan dili və ədəbiyyatı müəllimliyi ixtisasının III tədris ilinin tələbəsi Hüseynzadə Mirzəhra Hüseyn qızı
II yer – Azərbaycan dili və ədəbiyyatı müəllimliyi ixtisasının IV tədris ilinin tələbəsi Muradova Aytən Cavid qızı
III yer – Azərbaycan dili və ədəbiyyatı müəllimliyi ixtisasının I tədris ilinin tələbəsi İmanova Fatimə Rəsul qızı, Məktəbəqədər təhsil ixtisasının II tədris ilinin tələbəsi Mirqiyaszadə Rüqayyə Ziya qızı
Həvəsləndirmə – Azərbaycan dili və ədəbiyyatı müəllimliyi ixtisasının I tədris ilinin tələbəsi İsmayılova Məhdiyyə İsmayıl qızı, Məktəbəqədər təhsil ixtisasının I tədris ilinin tələbəsi Məmmədli Aytac Araz qızı.
Qalibləri təbrik edir və gələcək fəaliyyətlərində uğurlar arzulayırıq.