Author: adpu

05 aprel 2023-cü il tarixdə ADPU Cəlilabad filialında 2023 – cü il “Heydər Əliyev İli” və Ulu Öndər Heydər Əliyevin 100 illik yubileyi ilə əlaqədar YAP Cəlilabad rayon təşkilatı, ADPU Cəlilabad filialı və Qızıl Aypara Cəmiyyətinin Cəlilabad Rayon Bölməsinin birgə təşkilatçılığı ilə “Ümummilli Lider: ” Tarix yaradan şəxsiyyət” mövzusunda tədbir keçirilmişdir. Tədbir başlamazdan öncə Ulu öndər Heydər Əliyevin və Şəhidlərimizin ruhu bir dəqiqəlik sükutla yad edilmiş, dövlət himni səslənmişdir. Tədbiri giriş sözü ilə açan ADPU Cəlilabad filialının direktoru, dosent Xudayar Sultanlı Ümummilli lider Heydər Əliyevin Azərbaycan dövlətçiliyinin qurulmasında müstəsna xidmətləri, ölkəmizin iqtisadi, siyasi və mədəni təşəkkülündəki rolu, təhsilin inkişafı barədə məruzə etmiş, Ulu Öndərin ideyalarının əbədiyaşar olduğunu vurğulamışdır. Sonra çıxış edən I Qarabağ müharibəsi qazisi Maşallah Əliyev, YAP Cəlilabad rayon təşkilatının sədr müavini Rafiq Ağayev, Cəlilabad rayon Gənclər və İdman İdarəsinin rəisi Elçin Hüseynov, Qızıl Aypara Cəmiyyətinin Cəlilabad RB-nin müdiri İlkin Qubadov, ADPU Cəlilabad filialının baş müəllimi Ələsgər Mirzəzadə, ADPU Cəlilabad filialının tələbələri Zəhra Feyziyeva və Zəkiyyə Dadaşova Ulu Öndər Heydər Əliyevin xilaskarlıq missiyasından, son illərdə xalqımızın yaşadığı şərəfli, qürurlu hadisələrdən, əsası Ümummilli Liderimiz tərəfindən qoyulmuş və cənab Prezident İlham Əliyev tərəfindən davam və inkişaf etdirilən düzgün siyasi kursun nəticəsi olaraq qazanılmış möhtəşəm qələbəmizə aparan yoldan, Şanlı Ordumuzun qazandığı böyük zəfərin əhəmiyyətindən söz açmış, Ulu Öndərin gəncliyə və gənclərə etimadı bu gün artıq öz təsdiqini tapdığı vurğulanmışdır. Bu gün ölkəmizdə gənclər siyasəti və təhsil sistemi mahiyyət və keyfiyyətcə yeni mərhələsini yaşayır. Təhsildəki uğurlar və gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir. Sonda Ümummilli lider Heydər Əliyevin fəaliyyətini əks etdirən video-çarx izlənmişdir.

31 mart 2023-cü il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə 31 Mart Azərbaycanlıların Soyqırımı günü ilə əlaqədar “Tarixin bir günü və ya bir günün tarixi” adlı tədbir keçirilib. Tədbirdə filialın direktoru, dosent X.H.Sultanlı, Tədbirlərin təşkili və tələbələrlə iş şöbəsinin müdiri S.A.İsmayılova, şöbənin mütəxəssisləri N.Babayev, Ş.Hüseynov, Təbiət və sosial elmlər, onların tədrisi texnologiyası kafedrasının baş müəllimləri Ş.N.Namazova, Ə.A.Mirzəzadə, F.M.Mürsəlli və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra soyqırım qurbanlarının və torpaqlarımız uğrunda canlarından keçən qəhrəman Vətən övladlarının unudulmaz xatirəsi 1 dəqiqəlik sükutla yad edilib. Tədbiri giriş sözü ilə filialın direktoru, dosent X.H.Sultanlı açaraq Azərbaycan xalqının tarixində silinməz iz buraxan faciələrdən birinin “31 Mart Soyqırımı” olduğunu vurğulayaraq, erməni vandalizminin xalqımıza qarşı törətdiyi vəhşiliklərdən bəhs edib.
Təbiət və sosial elmlər, onların tədrisi texnologiyası kafedrasının baş müəllimi Ə.A.Mirzəzadə çıxışında 31 Mart Soyqırımı zamanı soyqırım qurbanlarının statistikası barədə məlumat verib.
Təbiət və sosial elmlər, onların tədrisi texnologiyası kafedrasının baş müəllimi Ş.M.Namazova öz çıxışında 31 Mart Soyqırımı zamanı xarici qüvvələrin ermənilərə dəstəyi ilə Bakı və regionlarda törədilən hadisələrdən danışıb. Eyni zamanda Ulu Öndər Heydər Əliyevin 26 mart 1998-ci il tarixdə 31 mart Azərbaycanlıların Soyqırımı Günü kimi qeyd olunması barədə Sərəncamından bəhs edib.
Təbiət və sosial elmlər, onların tədrisi texnologiyası kafedrasının baş müəllimi F.M.Mürsəlli S.Şaumyanın rəhbərlik etdiyi dövrdə 1918-ci ilin mart qırğınının genişlənməsi, daşnak-bolşevik dəstələrinin əhaliyə kütləvi divan tutması barədə geniş məlumat verib.
Tədbirin sonunda filialın İbtidai sinif müəllimliyi ixtisasının III tədris ilinin tələbəsi Z.Feyziyeva şeir nümunəsi ilə çıxış edib. Şeir ifasından sonra 31 Mart Soyqırımının vəhşiliklərini əks etdirən video-çarx nümayiş etdirilib.

31 Mart Azərbaycanlıların Soyqırımı günüdür. Qətlə yetirilmiş minlərlə soydaşımızın əziz xatirəsini ehtiramla yad edirik!..

Bu gün Şəhid Qasımov Rəşad Ənvər oğlunun mövludu günüdür. O, 29 mart 2003-cü il tarixində Cəlilabad rayonunun Alar kəndində anadan olmuş, Azərbaycan Bayrağı Ordenli Rauf Quliyev adına 3 saylı Alar kənd tam Orta məktəbini bitirmişdir.
Daha sonra Azərbaycan Respublikasının Ordu sıralarında Hərbi Xidmətə başlayan Rəşad Qasımov 2022-ci il sentyabrın 12-də Ermənistan silahlı qüvvələri tərəfindən törədilən genişmiqyaslı təxribatın qarşısının alınması zamanı döyüşlərdə iştirak etmiş, 13 sentyabr 2022-ci ildə Kəlbəcər rayonunda şəhadətə qovuşmuşdur.
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə, ləyaqətlə yerinə yetirərək şəhid olmuş Rəşad Qasımov Azərbaycan Respublikasının Prezidenti Cənab İlham Əliyevin 05.11.2022-ci il tarixli Sərəncamına əsasən ölümündən sonra III dərəcəli “Vətənə xidmətə görə” və “Vətən uğrunda” medalları ilə tətif edilmişdir.
Vətənimizin azadlığı uğrunda canlarını fəda etmiş Şəhidlərimizin müqəddəs ruhları qarşısında baş əyir, qazilərimizə Allahdan şəfa diləyirik.

29 mart 2023-cü il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə Ümummilli lider Heydər Əliyevin 100 illiyinə həsr edilmiş “Heydər Əliyev və Azərbaycançılıq məfkurəsi” mövzusunda dəyirmi masa keçirilib. Tədbirdə filialın direktoru, dosent X.H.Sultanlı, Tədbirlərin təşkili və tələbələrlə iş şöbəsinin müdiri S.A.İsmayılova, şöbənin mütəxəssisi Ş.Hüseynov, Təbiət və sosial elmlər, onların tədrisi texnologiyası kafedrasının baş müəllimləri Ş.N.Namazova, Ə.Mirzəzadə və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib. Tədbiri giriş sözü ilə filialın direktoru dosent X.H.Sultanlı açaraq azərbaycançılıq ideologiyasının real müstəqilliyə nail olmaq, vahid, bölünməz Azərbaycanı qoruyub saxlamaq və möhkəmləndirmək üçün vasitə olduğunu vurğulamışdır.
Təbiət və sosial elmlər, onların tədrisi texnologiyası kafedrasının baş müəllimi Ş.N.Namazova öz çıxışında Heydər Əliyevin fəlsəfi baxışlarından nümunələr gətirdi. Ümummilli liderimizin fikrincə, azərbaycançılıq milli mənsubiyyəti, milli-mənəvi dəyərləri qoruyub saxlamaq, eyni zamanda, onların ümumbəşəri dəyərlərlə sintezindən, inteqrasiyasından bəhrələnməkdir. Ş.N.Namazova öz çıxışında azərbaycançılıq ideologiyasının ölkədə vətəndaş birliyi və vahid sosium üçün uğurlu təməl olduğunu qeyd etdi.
Müstəqil Azərbaycan dövlətinin əsas ideyası Azərbaycançılıqdır. Hər bir Azərbaycanlı öz milli mənsubiyyətinə görə qürur hissi keçirməlidir və biz Azərbaycançılığı – Azərbaycan dilini, mədəniyyətini, milli-mənəvi dəyərlərini, adət-ənənələrini yaşatmalıyıq”, – deyən Heydər Əliyev dühası azərbaycançılığı milli ideologiyaya çevirməklə cəmiyyətin həmrəylik və bütövlüyünə, mənəvi birliyinə nail olmuşdur.
Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə də dəyirmi masanın mövzusu ilə bağlı dəyərli fikirlər söylədi.
Tədbirin sonunda Heydər Əliyev və Azərbaycançılıq ideologiyasını əks etdirən video-çarx izlənildi.

14 Mart 2023-cü il tarixində Azərbaycan Dövlət Pedaqoji Universitetinin Cəlilabad filialında “Ümummilli Lider Heydər Əliyevin 100 illiyi”nə həsr olunmuş ağacəkmə kampaniyası keçirikmişdir.
Ağacəkmə kampaniyası Filialın həyətyanı sahəsinin əhatə etdiyi parkda keçirilmişdir. Ağacəkmə kampaniyasında filialın direktoru, dosent Xudayar Sultanlı, filialın əməkdaşları və tələbələr iştirak etmişlər.

13 Mart 2023-cü il tarixində “Ümummilli Lider Heydər Əliyevin 100 illiyi”nə həsr olunmuş ümumrayon ağacəkmə kampanyası keçirilmişdir. Ələt-Astara yolunun Cəlilabad ərazisindən keçən hissəsində aparılan ağacəkmə kampayasında Rayon İcra Hakimiyyətinin başçısı Cənab Rafiq Cəlilov, rayonun hüquq-mühafizə orqanlarının məsul işçiləri, əlaqədar təşkilatların nümayəndələri, ADPU-nun Cəlilabad filialının direktoru dosent Xudayar Sultanlı, Filialın əməkdaşları və tələbə heyəti iştirak etmişlər.

11.03.2023 – cü il tarixində ADPU-nun Cəlilabad filialında “Elimizə bahar gəlir” adlı Novruz şənliyi keçirilib. Şənlikdə filialın direktoru, dosent X.H.Sultanlı, Tərbiyə işləri üzrə sədr A.R.İbişov, Tədbirlərin təşkili və tələbələrlə iş şöbəsinin müdiri S.A.İsmayılova, filialın professor – müəllim heyəti, müxtəlif ixtisaslar üzrə qrup tələbələri, Cəlilabad Rayon İncəsənət məktəbinin müəllimi Canəli Əmirov, filialın Azərbaycan dili və ədəbiyyatı müəllimliyi ixtisasının məzunları olan Asif Əsədov, Anar Tağızadə, balaca qonaqlarımız Yusif Əsədov, Sevinc İsgəndərli və Fatimə İbişli iştirak ediblər.
Tədbirdə ilk olaraq vətən uğrunda canından-qanından keçən şəhidlərimizin və Türkiyədə zəlzələ nəticəsində dünyasını dəyişən bacı-qardaşlarımızın əziz xatirəsi 1 dəqiqəlik sükutla yad edilib. “Elimizə bahar gəlir” adlı şənliyin açılışını filialın direktoru, dosent Xudayar Sultanlı edib. Daha sonra Anar Tağızadənin ifasında “Xudayar təsnifi” ifa olunub. Cəlilabad Rayon İncəsənət məktəbinin müəllimi Canəli Əmirovun da skripka ifası böyük maraqla izlənilib. Şənlikdə balaca qonaqlarımız Sevinc İsgəndərlinin “Səməni” mahnısı və “Nəlbəki” rəqsi, eləcə də Fatimə İbişlinin səsləndirdiyi “Novruz “ şeiri tədbirə xoş bir abu hava qatıb. Eyni zamanda Cəlilabad rayon Sabirabad kənd tam orta məktəbinin VIII sinif şagirdi Yusif Əsədovun rəqsi izlənilib. Tədbirin sonunda filialın Azərbaycan dili və ədəbiyyatı müəllimliyi ixtisasının I tədris ilinin tələbəsi Rəhman Feyziyevin gitara və Asif Əsədovun sintezatorda birgə ifaları dinlənilib.

Azərbaycan qadını tarix boyu ictimai fəallığı, Vətənə sədaqəti, ailəyə bağlılığı, fədakarlığı və qəhrəmanlığı ilə seçilmişdir. Qadınlarımız ailə dəyərlərimizin formalaşmasında və möhkəmlənməsində misilsiz xidmətlər göstərmişlər. Ümummilli Liderimiz Heydər Əliyev ölkəmizə rəhbərliyinin hər iki dövründə qadın amilinə yüksək dəyər verərək onların hüquqlarının müdafiəsi, problemlərinin həlli, dövlət idarəçiliyi sistemində təmsil olunması, bütün sahələrdə öz layiqli yerini tutması, cəmiyyətdəki mövqeyinin möhkəmləndirilməsi istiqamətində məqsədyönlü və ardıcıl tədbirlər həyata keçirmişdir. “Zahiri gözəlliyi ilə daxili aləminin paklığının vəhdət təşkil etdiyi, öz səbri, təmkini ilə səciyyələnən Azərbaycan qadını dəyanət və sədaqət rəmzinə çevrilmişdir. Onun şəninə dastanlar qoşulmuş, ona dahilər və qəhrəmanlar anası deyilmişdir. Tariximizin keşməkeşli səhifələrinə Azərbaycan qadını qayğıkeş ana, fitri istedada malik şair, möhkəm iradəli hökmdar, dərin zəkalı mütəfəkkir kimi öz adını həkk etdirmişdir” – deyən Ümummilli Liderin bu sözlərində Azərbaycan qadınına verdiyi böyük dəyəri görmək olar.
1995-ci il noyabrın 12-də ümumxalq səsverməsi yolu ilə qəbul olunmuş müstəqil Azərbaycan Respublikasının Konstitusiyası qadınların kişilərlə bərabər hüququnu təsdiq etmişdir. Həmçinin dahi Liderimiz Heydər Əliyevin imzaladığı “Azərbaycanda qadınların rolunun artırılmasına dair tədbirlər haqqında” 1998-ci il 14 yanvar tarixli Sərəncamı və “Azərbaycan Respublikasında dövlət qadın siyasətinin həyata keçirilməsi haqqında” 2000-ci il 6 mart tarixli Fərmanı ölkənin sosial-siyasi, iqtisadi və mədəni həyatında qadınların rolunu artırmaq məqsədi ilə imzalanmış mühüm dövlət sənədləri olmuşdur.
Bu gün Ulu Öndərin siyasi xəttini uğurla davam etdirən Azərbaycan Respublikasının Prezidenti cənab İlham Əliyev tərəfindən dövlət qadın siyasəti daha geniş müstəvidə həyata keçirilir. Prezidentimiz qadınlarımıza yüksək qiymət verərək demişdir: “Milli varlığımızın ifadəsi olan zəngin mədəni-mənəvi irsimizin, ana dilimizin və adət-ənənələrimizin əsrlərdən bəri qorunub saxlanmasında Azərbaycan qadınlarının müstəsna xidməti vardır. Tariximizin mürəkkəb sosial-siyasi dəyişikliklərlə müşayiət olunduğu dövrlərdə onlar cəmiyyətin sarsılmaz mənəvi dayağına çevrilmişlər. Elə Respublikamızın Birinci vitse-prezidenti Mehriban Xanım Əliyevanın təkcə təhsilimizin inkişafı üçün göstərdiyi misilsiz xidmətləri nəzərdən keçirsək bu yüksək mədəni-mənəvi yüksəlişin nümunələrini aydın şəkildə görə bilərik. Bütün bunlarla yanaşı qeyd etməliyik ki, torpaqlarımızın azadlığı yolunda canlarını fəda etmiş qəhrəman övladlarımızın ilk vətənpərvərlik tərbiyəsini verən də məhz, Azərbaycan xanımları olmuşlar.
XX yüzilliyin ilk onilliklərində, bəzi qabaqcıl ölkələrin qadınlarından daha əvvəl seçki hüququ qazanaraq ictimai və mədəni həyatın müxtəlif sahələrində fəal iştirak etmələri onların gələcək uğurlarının da rəhni olmuşdur. Qürurverici haldır ki, müsəlman Şərqində qadınlar arasında incəsənətin, elmin və texnikanın bir çox sahələri üzrə ilk addımı məhz mənəviyyatında milliliklə müasirliyin əsl vəhdətini yaratmış Azərbaycan qadını atmışdır”.
Bütünlükdə respublikamızda olduğu kimi rayonumuzun da sosial-iqtisadi və ictimai-siyasi həyatında qadınların böyük rolu vardır. Bu da ölkəmizdə gender bərabərliyinə tarixən göstərilən müsbət münasibətdən qaynaqlanır. Azərbaycanda qadınlar ölkə tarixinin bütün dövrlərində xalqın taleyüklü məsələlərinin həll edilməsinə öz töhfələrini veriblər. Rayonumuzun qadınlarının bütün uğurlarının təməlində dövlətimizin böyük dəstəyi və davamlı qayğısı dayanır. Ölkəmizdə qadınların həm ailədə, həm işdə, həm də cəmiyyətdəki layiqli mövqeyi xalqımızın uğurlu, xoşbəxt sabahına, firavanlığına ən ciddi təminatlardan biridir. Azərbaycan qadınının ictimai həyatımızdakı mövqeyi dilimizə, vətənimizə, torpağımıza, dövlətimizə, milli dəyərlərimizə və azərbaycançılıq məfkurəsinə sədaqət nümunəsi olmuşdur və gələcəkdə də olacaqdır.
Əziz xanımlar! Sizi; bütün Azərbaycan qadınlarını 8 mart Beynəlxalq Qadınlar Günü münasibətilə səmimi qəlbdən təbrik edirəm, hər birinizə can sağlığı, ailə səadəti və işlərinizdə müvəffəqiyyətlər arzulayıram.

Xudayar Sultanlı,
ADPU-nun Cəlilabad filialının direktoru, dosent

06 mart 2023-cü il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə 8 Mart Beynəlxalq Qadınlar Gününə həsr edilmiş “ Cənnət Mələyim” adlı şeir müsabiqəsi keçirilib. Müsabiqədə müxtəlif ixtisaslar üzrə tələbələr iştirak ediblər. Şeirlər 5 müsif heyəti tərəfindən dinlənərək qiymətləndirilib. Nəticələrə əsasən ilk üç yerin sahiblərini nəzərinizə çatdırırıq:
I yer – 50 bal, Azərbaycan dili və ədəbiyyatı müəllimliyi ixtisasının II tədris ilinin tələbəsi Ağaverdiyeva Ceyhunə;
II yer – 49 bal, Azərbaycan dili və ədəbiyyatı müəllimliyi ixtisasının I tədris ilinin tələbəsi Dadaşova Zəkiyyə və İbtidai sinif müəllimliyi ixtisasının II tədris ilinin tələbəsi Əzizova Əminə;
III yer – 45 bal, İbtidai sinif müəllimliyi ixtisasının II tədris ilinin tələbəs Quliyeva Vüsalə;
IV (həvəsləndirici yer) – 43 bal, İbtidai sinif müəllimliyi ixtisasının III tədris ilinin tələbəsi Feyziyeva Zəhra.
Qalibləri təbrik edir və tələbəmiz olan bütün iştirakçılarımıza tədris yollarında uğurlar arzulayırıq.