16 fevral 2024-cü il tarixində ADPU-nun Cəlilabad filialında 2023/2024-cü tədris ili üzrə “Pedaqoji internatura”nın başlanması ilə əlaqədar açılış konfransı keçirilib. Konfransda filialın direktoru dosent X.H.Sultanlı, pedaqoji təcrübə rəhbəri B.C.Məhərrəmov, Təbiət və sosial elmlər , onların tədrisi texnologiyası kafedrasının müdiri E.V.Muradlı , professor-müəllim heyəti, müxtəlif struktur bölmənin əməkdaşları və cari ilin buraxılış qrup tələbələri iştirak ediblər.
Konfransı giriş nitqi ilə filialın direktoru dosent X.H.Sultanlı açaraq pedaqoji təcrübənin buraxılış qrupu tələbələrinin fəaliyyətlərində mühim rol oynadığını qeyd edərək onlara bu məsuliyyətli yolda uğurlar arzu edib. Daha sonra pedaqoji təcrübə rəhbəri B.C.Məhərrəmov cari ilin buraxılış qruplarının pedaqoji internatura ilə bağlı tələbələrin fəaliyyət göstərəcəyi müəssisələr haqqında ətraflı məlumat verib, daha sonra isə onları maraqlandıran sualları cavablandırıb.
Filialın professor-müəllim heyəti də tələbələrin pedaqoji fəaliyyətə atılan ilk addım sayılan təcrübənin əhəmiyyətindən bəhs edərək onlara gələcək fəaliyyətlərində uğurlar arzulayıb.
