Author: admin

Rəşad Ələkbər oğlu Zeyniyev 13 sentyabr 2001-ci il tarixində Cəlilabad şəhərindəanadan olub. O, şəhərin 5 saylı tam orta məktəbində təhsil almış, “Cəlilabad Dövlət Peşə Təhsil Mərkəzi”nin məzunuolmuşdur. 8 il ərzində güləş idman növü ilə məşğul olub. Ailədə 3 övladdan sonbeşiyi idi.

2019-cu ilin oktyabr ayında Cəlilabad rayon hərbi komissarlığından hərbi xidmətə yollanıb. 28 sentyabr 2020-ci il tarixindən etibarən İkinci Qarabağ müharibəsində iştirak edib. Füzuli rayonu və Şuşa şəhəri uğrunda gedən döyüşlərdə böyük şücaət göstərib. 8 noyabr tarixində, Şuşa istiqamətində döyüş zamanı çox yaxınlığında partlayan mərmi bu qəhrəman övladımızın həyatına son qoymuşdur. O, doğulub boya-başa çatdığı Cəlilabad şəhərində dəfn olunub.

Rəşad Zeyniyev Azərbaycanın ərazi bütövlüyünün təmin edilməsi uğrunda döyüş əməliyyatlarına qatılmışvə hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmişdir. Şiddətli döyüşlər zamanı göstərdiyi çoxsaylı igidliklərə görə Azərbaycan Respublikasının Prezidenti cənab İlham Əliyevin 15.12.2020-ci il tarixli sərəncamına əsasən ölümündən sonra “Vətən uğrunda”;Füzuli və Xocavənd rayonlarının işğaldan azad edilməsi uğrunda aparılan döyüş əməliyyatlarına qatılaraq, şəxsi igidliyi və şücaətinə görə 25.12.2020-ci il tarixli sərəncama əsasən “Füzulinin azad olunmasına görə”, “Xocavəndin azad olunmasına görə”; Şuşa şəhərininişğaldan azad edilməsi uğrunda aparılan qızğın döyüş əməliyyatlarına qatılaraq yüksək döyüş bacarıqları üçün 29.12.2020-ci il tarixli sərəncamaəsasən “Şuşanın azad olunmasına görə”; 24.06.2021-ci il tarixli sərəncama əsasən isə “Cəsur döyüşçü medalı” ilə təltif edilmişdir.

Vətənimizin igid oğlu Rəşad Zeyniyevin əziz xatirəsi qəlbimizdə daim yaşayacaqdır.

Qəbul planı üçün nəzərdə tutulan yerləri elə ilk mərhələdə 100% nəticəylə tamamlayan Azərbaycan Dövlət Pedaqoji Universitetinin Cəlilabad filialında bu il üçün müsabiqədə uğur qazanmış şəxslərin qeydiyyatı başa çatmaq üzrədir. Filialın qeydiyyata alınan tələbələri sırasında yüksək nəticə əldə edərək ünvanımıza üz tutanların çoxluğu Universitetin tədris prosesinin uğurlu addımlarının məntiqi davamıdır.

Təqdirəlayiqdir ki, eyni ailəyə mənsub olanlar da tələbə həyatı üçün məhz filialımızı seçmişlər. Bunlardan əkiz bacılar olan Ağazadə Gülxara Vüqar qızı “İbtidai sinif müəllimliyi”, Ağazadə Sahibə Vüqar qızı isə “Azərbaycan dili və ədəbiyyatı müəllimliyi” ixtisaslarına daxil olmuşlar. Eyni zamanda, qardaş və bacı olan Quliyev Şamxal Yusif oğlu “Tarix və coğrafiya müəllimliyi”, Quliyeva Aysun Yusif qızı isə “İbtidai sinif müəllimliyi” ixtisaslarında təhsil alacaqlar.

Müsabiqədə uğur qazanmış bütün tələbərimizi bir daha təbrik edir, onlara ali təhsil pilləsində müvəffəqiyyətlər arzulayırıq.

Novruzova Məryəm Qalamirzə qızı 17 iyul 2001-ci ildə Cəlilabad rayonunun Sabirabad kəndində anadan olmuşdur. 2018-ci ildə Sabirabad kənd 1 saylı tam orta məktəbini bitirərək Azərbaycan Dövlət Pedaqoji Universitetinin Cəlilabad filialında “İbtidai sinif müəllimliyi” ixtisasına daxil olmuşdur. 2018-2022-ci illərdə təhsil aldığı bakalavr pilləsini uğurla yekunlaşdıraraq Bakı Slavyan Universitetinin “İbtidai təhsilin metodika və metodologiyası” ixtisası üzrə magistratura pilləsinə daxil olmuşdur.

Məzunumuz eyni zamanda Müəllimlərin İşə Qəbulu (MİQ) imtahanında da yüksək nəticə göstərərək 83.75 balla Bakı şəhəri, Binə qəsəbəsi 121 saylı tam orta məktəbinə ixtisası üzrə müəllim qəbul edilmişdir.

Məryəm Novruzova yüksək göstəricisiylə MİQ imtahanında faktiki yaşadığı rayon üzrə “İbtidai sinif müəllimliyi” ixtisası istiqamətində 3-cü nəticəni əldə etmişdir.

Məzunumuza gələcək fəaliyyətində uğurlar arzulayırıq.

ƏN ÇOX SORUŞULAN SUALLAR (BAKALAVRİAT SƏVİYYƏSİNƏ QEYDİYYTAT)

Sual 1. Orta ixtisas təhsili pilləsi səviyyəsinə necə qeydiyyatdan keçməliyəm?

Ali təhsil müəssisələrinin bakalavriat səviyyəsinə qəbul olmuş şəxslər ilk öncə “portal.edu.az” saytında qeydiyyatdan keçməlidir. Bunun üçün əsas səhifəyə daxil olaraq “Qeydiyyat” düyməsinə sıxıb uyğun səhifəyə keçid edin.

Sual 2. Portalda artıq qeydiyyatım varsa, yenidən sistemdə qeydiyyat etməliyəm?

Portalda artıq qeydiyyatınız varsa, yenidən qeydiyyat keçməyinizə ehtiyac yoxdur.

Sual 3. Şifrəmi unutmuşam. Necə bərpa etməliyəm?

Şəxsi kabinetə giriş zamanı şifrənizi unutduğunuz halda əsas səhifədən “Şifrəni unutdun?” düyməsinə sıxın və açılan pəncərədə ilk öncə elektron poçt ünvanını daxil edin. Açılan növbəti pəncərədə mobil nömrənin son 4 rəqəmi daxil edin. Nömrəyə gələn təsdiq kodu daxil edildikdən sonra yeni şifrə təyin edilməlidir.

Sual 4. Sistemə daxil olduqdan sonra hansı xidməti seçməliyəm?

Sistemə daxil olduqdan sonra “Ali və orta ixtisas təhsil müəssisələrinə təhsilalan qeydiyyatını” xidmətini seçməli və məlumatlarınızı formaya uyğun doldurmalısınız.

Sual 5. Bakalavriat səviyyəsinə müraciət etmək üçün hansı qəbul xəttini seçməliyəm?

Bildiyiniz kimi orta ixtisas təhsili pilləsinə qəbul yalnız Dövlət İmtahan Mərkəzinin imtahanları ilə həyata keçirilir. Əgər qəbul xətlərində qeyd edilmiş xüsusi DİM xətlərindən hər hansı biri sizə uyğun deyilsə, ümumi DİM vasitəsilə seçimini etməlisiniz.

Sual 6. Şəxsi məlumatlarımı necə doldurmalıyam?

Şəxsi məlumatlarınız avtomatik əks olunur. Siz əlavə olaraq, faktiki yaşadığınız ünvan və faktiki yaşadığınız rayon barədə məlumatları əl ilə daxil etməlisiniz. Əgər əcnəbi və vətəndaşlığı olmayan şəxsinizsə və Azərbaycan Respublikasında fərdi identifikasiya nömrəniz yoxdursa, müəyyən şəxsi məlumatları daxil etməyiniz tələb oluna bilər.

Sual 7. Şəxsi məlumatlarımdakı elektron poçt və mobil nömrə mənə aid deyil.

Siz qeydiyyatdan keçdiyiniz zaman istifadə etdiyiniz mobil nömrə və elektron poçt şəxsi məlumatlarınızda əks olunmuşdur.

Sual 8. Qəbul məlumatlarımı necə daxil etməliyəm?

Qəbul məlumatlarınız avtomatik əks olunur. Qəbul məlumatlarınızda hər hansı səhv olarsa, bu barədə Təhsil Nazirliyin 146-6 qaynar xəttinə məlumat verməyiniz xahiş olunur.

Sual 9. Sənədlərimi hansı formatda əlavə edim?

Tək-tək bir neçə səhifə yüklənmir. Sənədlərinizi pdf formatında, hamısını bir səhifədə əlavə etməyiniz məsləhət görülür. Bir neçə səhifəni eyni xanaya əlavə edə bilməyəcəksiniz.

Sual 10. Hansı xanalar məcburidir?

Qırmızı rəng alan bütün xanalara tələb olunan sənədi əlavə etməlisiniz.

Sual 11. Əlavə sənədlər əlavə etmək istəyirəm, amma xana sayı azdır.

Digər sənəd xanasının yanındakı + düyməsinə sıxmaqla xana sayını artıra bilərsiniz. Müəssisə tərəfindən hər hansı əlavə sənəd tələb edilmirsə, həmin xanaya məlumat daxil etməyiniz məcburi deyil.

Sual 12. Təhsil haqqında azad olunmaq üçün müraciət etmək istəyirəm.

Bunu sistem üzərindən edə bilərəmmi? Əgər siz ödənişli əsaslarla təhsil müəssisəsinə qəbul olan vətəndaşsınızsa şəxsi və qəbul məlumatlarınızı doldurduqdan sonra növbəti səhifədə qarşısınızsa Təhsil haqqından azad addımı çıxacaqdır. Burada “Bəli” seçimini etməklə, aid olduğunu kateqoriyanı seçib təhsil haqqından azad olunmaq üçün müraciət edə bilərsiniz.

Sual 13. Təhsil tələbə krediti əldə etmək üçün müraciət etmək istəyirəm. Nə etməliyəm?

TTK əldə etməyiniz üçün e-ttkf.edu.az sistemindən qeydiyyat etməlisiniz, parelel olaraq portal.edu.az-dan qeydiyyat zamanı hansı növ təhsil krediti almaq istədiyiniz barədə təhsil müəssisəsini məlumatlandıra bilərsiniz. Bu məlumatlandırmanın məqsədi təhsil müəssisəsinin TKK təyini qərarı verilənədək sizdən tam və ya 20 faizdən artıq təhsil haqqı ödənişi tələb etməməsi üçündür. Eyni zamanda, müəyyən statuslar vasitəsilə müəssisə və sistem tərəfindən kabinetiniz TTK müraciətinizin nəticələri barədə məlumat əldə edə biləcəksiniz.

Sual 14. Sənədlərimin qəbul edilib-edilmədiyini necə öyrənəcəm?

Bu barədə müraciət etdiyiniz müəssisə sizə sistem vasitəsilə məlumat göndərəcəkdir. Kabinetinizə daxil olan bidirişlri yekun qərar verilənədək izləməyiniz vacibdir.

Sual 15. Təhsil haqqından azad olunmağım barədə məlumatı necə əldə edəcəm?

Bu barədə müraciət etdiyiniz müəssisə Güzəştli qəbul edildi status təyin etməklə sizə şəxsi kabinetiniz vasitəsilə məlumat göndərəcəkdir.

Sual 16. Təhsil haqqımı necə ödəməliyəm?

Ödəniş icra edə bilmək üçün ilk növbədə müəssisə tərəfindən müraciət araşdırıldıqdan sonra “ödəniş edilməlidir” status təyin edilməlidir. Müraciətiniz ödəniş edilməlidir statusu aldıqda aşağıdakı addımları edə bilərsiniz. Bu zaman tələbənin kabinetinə bildiriş gələcək ki, ödəniş etsin. Bu halda:

Addım 1

Tələbə şəxsi kabinetilə ödəniş edə bilər. (Bugunədək bankla ödəniş etmişlər çek yükləyə bilər).

Addım 2

Tələbə gpp.az saytında FİN və ya invoys vasitəsilə ödəniş edə bilər. Bunun üçün gpp.az saytına daxil olmaq, bütün xidmətlərdən TƏHSİL seçmək, sonra ALİ TƏHSİL MÜƏSSİSƏLƏRİ xidmətinə sıxmaq lazımdır. Açılan səhifədə müvafiq məlumatlar daxil edilməklə məlumatlar daxil edilməlidir. Ödəniş icra edilə bilər.

Addım 3

Tələbələrə ödəniş edilməlidir statusu təyin edildikdən sonra tələbələr banka yaxınlaşır Hökumət ödəniş portalı (HÖP) üzərindən ödəniş etmək istədiyini bildirərək, FİN və ya ATİSdə formalaşan invoys (Ödəniş edilməlidir statusu təyin edildiyi zaman şəxsi kabinetdə invoys əks edilir) təqdim edərək ödəniş edir.

Sual 17. Tələb oluna biləcək sənədlərlə bağlı açıqlamalar:

Məcburi sənəd kimi tələb edilməməlidir:

Sağlamlıq haqqında arayış və ya onun surəti:Məcburi sənəd deyildir. Bu sənədin müəssisələr tərəfindən tələb edilməməsini tövsiyə edirik. Lakin, hər hansısa müəssisə tərəfindən bu sənədin vacib olaraq tələb edilməsi zərurəti varsa, tələb edilə bilər.

Şəxsiyyəti təsdiq edən vəsiqənin əsli və ya surəti:Məcburi sənəd deyildir. Təqdim edilməməlidir.

Ağ fonda 3×4 ölçüdə fotoşəkil:

Məcburi sənəd deyildir. Tələbə bileti üçün lazım olarsa, müəssisə təyin etdiyi vaxtda təqdim edə bilər.

Məcburi sənəd kimi tələb edilməlidir:

Attestat:Məcburi sənəddir. Əgər müəssisə sistemdə məlumatı görürsə, tələbə qeydiyyatdan sonra da təqdim edə bilər.

İxtisasın tanınmasının və ekvivalentliyinin müəyyən edilməsini təsdiq edən sənəd:Məcburi sənəddir. Yalnız xaricdə təhsil alan Azərbaycan vətəndaşlarına aiddir.

İlkin hərbi qeydiyyata alınma haqqında sənəd və ya hərbi biletin surəti (Oğlanlar üçün):Məcburi sənəddir. Ümumi təhsil bazasından qəbul olanlar üçün məcburi deyildir.

Şəxsiyyəti təsdiq edən vəsiqənin əsli və ya surəti:Məcburi sənəd deyildir. Təqdim edilməməlidir.

Təhsil haqqı güzəşti və təhsil haqqından azad olunmaq üçün sənədlər:Sistemin təyin edəcəyi qərarlardan dəstək üçün istifadə edə bilərsiniz.

Əlavə sənəd:Sənəd əlavə etmək məcburi deyildir, lakin əlavə olaraq göndərmək istədiyiniz (diplom, sağlamlıq haqqında arayış və s.) sənədləriniz varsa, əlavə edə bilərsiniz.

Sual 18. Qeydiyyat barədə nə üçün məlumatlar ictimaiyyətə bildirilmir?

Qeydiyyat üzrə bütün məlumatlar Təhsil Nazirliyinin rəsmi saytında qeyd olunur. Saytı mütəmadi izləməyiniz xahiş olunur.

2022-2023-cü tədris ili üçün Azərbaycan Dövlət Pedaqoji Universitetinin Cəlilabad filialında 4 ixtisas üzrə qəbul planı tam yerinə yetirilmişdir.

Azərbaycan dili və ədəbiyyatı müəllimliyi – 50 yer;

İbtidai sinif müəllimliyi – 50 yer;

Məktəbəqədər təhsil – 30 yer;

Tarix və coğrafiya müəllimliyi – 30 yer.

İlk olaraq Azərbaycan Respublikasının Dövlət Himninin səsləndirilməsiylə başlanan tədbirdə Şəhidlərimizin əziz xatirələri bir dəqiqəlik sükutla anılmışdır.

Filialın direktoru, dosent Xudayar Sultanlı tədbiri açıq elan etmiş və Ümummilli Liderimiz Heydər Əliyevin “Müəllim” adına verdiyi yüksək dəyərləri geniş nitqində tədbir iştirakçıların diqqətlərinə çatdırmışdır. Qeyd etmişdir ki, Ulu Öndərimiz öz­lərini vətən tоrpаğının bir zərrəsi sаyаn gənclərin tər­biyə еdilib yеtişdiril­mə­sində müəl­lim əməyinə, оnun şəхsiyyətinə hər zaman yüksək qiymət vеrmişdir. O, demişdir ki, müəllim аdı şə­rəfli аddır, müəllim аdı yüksək аddır. Müəllim vəzifəsi оnа görə şə­rəflidir ki, о, cəmiyyət üçün ən dəyərli, bilikli, zəkаlı, tərbiyəli, və­tənpərvər vətəndаş hаzırlаyır; “Müəllim dün­yаdа yеgаnə şəх­siyyətdir ki, cəmiyyət öz gələcəyini – övladlarının tərbiyəsini yаl­nız оnа еtibаr еdir”.

Sonra Ümummilli Liderimizin layiqli davamçısı, Respublikamızın Prezidenti, Cənab İlham Əliyevin bu şərəfli peşəyə verdiyi yüksək qiymətlərdən danışan natiq həmçinin, müəllimlərə hər zaman tələbə qarşısında hazırlıqlı olmaları barədəki tövsiyələrini də dilə gətirmişdir; informasiya texnologiyalarının sürətlə inkişaf etdiyi zamanımızda texnoloji yeniliklərin verdiyi imkanlardan da yararlanaraq tədrisin keyfiyyətinin artırılmasının vacibliyini bildirmişdir. Cənab Prezidentimizin müəllim peşəsinin hörmətli olması barəsindəki fikirlərini və onların sosial vəziyyətlərinin yaxşılaşdırılmasının hər zaman diqqət mərkəzində saxlanıldığını tədbir iştirakçılarının diqqətlərinə çatdırmışdır.