10 dekabr 2024-cü ildə ADPU Cəlilabad filialında “Mənəvi kimliyimiz – Ana dili” adlı tədbir keçirilib.
Tədbirdə filialın baş müəllimi T.İsgəndərov, Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra torpaqlarımızın azadlığı uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib.
Tədbirdə filialın baş müəllimi T.İsgəndərov çıxış edərək ana dilimizin hər bir Azərbaycan vətəndaşı üçün milli sərvət olduğunu vurğulayıb.
Daha sonra filialın Məktəbəqədər təhsil ixtisasının I tədris ilinin tələbəsi R.Mirqiyaszadə , İbtidai sinif müəllimliyi ixtisasının I tədris ilinin tələbəsi G.Məmmədli şeir ifaları ilə çıxış ediblər. Tədbirin sonunda S.Sayılova, F.Hüseynova, T.Səmədzadə öz fikirlərini tədbir iştirakçıları ilə bölüşüblər.
