13 may 2025-ci il tarixində ADPU-nun Cəlilabad filialında “Təbiət və sosial elmlər, onların tədrisi texnologiyası kafedrasının baş müəllimi, Mirzəzadə Ələsgər Ağahəsən oğlunun “ “ Qədim abidələr yurdu Uzuntəpə : araşdırmalar, təhlillər” mövzusunda elmi seminarı keçirilib.
Elmi seminarda Tədris və Elmi işlər üzrə direktor müavini E.Muradlı, AMEA-nın Arxeologiya və Antropologiya institutunun tarix elmləri üzrə doktoru V.Mahmudova, kafedranın baş müəllimləri Ş.Namazova, F.Rzayev, Dil – ədəbiyyat, pedaqoji elmlər və onların tədrisi texnologiyası kafedrasının baş müəllimi M.Qasımov, müəllim F.Əzimov, Tədbirlərin təşkili və tələbələrlə iş şöbəsinin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Seminarı giriş sözü ilə Tədris və Elmi işlər üzrə direktor müavini E.Muradlı açaraq seminarın çox aktual bir mövzuya həsr olunduğunu vurğulayıb.
Daha sonra baş müəllim Ə.Mirzəzadə elmi seminarın əsas mövzusu olan Uzuntəpə ərazisində tapılan tarixi abidə və avadanlıqlardan geniş şəkildə tədbir iştirakçılarına bəhs edib.
Elmi seminarın sonunda AMEA-nın Arxeologiya və Antropologiya institutunun tarix elmləri üzrə doktoru V.Mahmudova tədbirin çox gözəl şəkildə təşkil olunduğunu vurğulayaraq tədbir iştirakçılarına uğurlar arzu edib.
