23 oktyabr 2024-cü ildə ADPU-nun Cəlilabad filialında “İcbari Tibbi Siğorta üzrə Dövlət Agentliyi Regional Cəlilabad filialı”nın tədbiri keçirilmişdir. Tədbirdə İcbari Tibbi Siğorta üzrə Dövlət Agentliyi Regional Cəlilabad filialının rəhbəri Qurbanov İlqar Gəray oğlu, struktur-bölmə rəhbərləri və əməkdaşları, müxtəlif ixtisaslar üzrə tələbələr iştirak ediblər.
“Yaşıl dünya naminə həmrəylik ili”nə həsr olunan “Ağacəkmə Aksiyası” keçirilmişdir.
22 oktyabr 2024-cü ildə ADPU-nun Cəlilabad filialında “Yaşıl dünya naminə həmrəylik ili”nə həsr olunan “Ağacəkmə Aksiyası” keçirilmişdir. Aksiya filialın yaxınlığında yerləşən Mehdi Hüseyn küçəsində, yolun kənarında yerləşən ərazidə keçirilmişdir. Ağacəkmə aksiyasında filialın direktoru, dosent X.H.Sultanlı, professor-müəllim heyəti, struktur-bölmə rəhbərləri və əməkdaşları, müxtəlif ixtisaslar üzrə tələbələr iştirak ediblər.
“Müstəqilliyin Bərpası Günü”nə həsr olunmuş tədbir keçirilib.
18 Oktyabr 2024-cü il tarixində ADPU-nun Cəlilabad filialında “Müstəqilliyin Bərpası Günü”nə həsr olunmuş tədbir keçirilib. Tədbirdə filialın direktoru, dosent X.H.Sultanlı, Təbiət və sosial elmlər, onların tədrisi texnologiyası kafedrasının baş müəllimləri Ş.Namazova, Ə.Mirzəzadə, müəllim R.Sabirli, Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib .
Tədbirdə filialın direktoru, dosent X.H.Sultanlı çıxış edərək, 2024-ci il oktyabrın 18-də Azərbaycan Respublikasının Müstəqilliyinin bərpa edilməsinin 33 ilinin tamam olduğunu bildirib. Eyni zamanda Azərbaycanın dövlət müstəqilliyinin əldə olunması, qorunub saxlanılması və milli dövlət quruculuğu proseslərində Ümummilli Lider Heydər Əliyevin misilsiz xidmətləri olduğunu söyləyib.
Daha sonra Təbiət və sosial elmlər, onların tədrisi texnologiyası kafedrasının baş müəllimləri Ş.Namazova, Ə.Mirzəzadə, müəllim R.Sabirli öz fikirlərini tədbir iştirakçılarına bildiriblər.
İbtidai sinif müəllimliyi ixtisasının I tədris ilinin tələbələri Ç.Ağalıyeva, L.Həziyeva bu gün münasibətilə tədbir iştirakçılarını təbrik ediblər. Tədbirin sonunda “Müstəqilliyin Bərpası Günü” nə həsr olunan video-çarx izlənilib.
“Beynəlxaq Müəllimlər günü” nə həsr olunan “Müəllim andı” adlı tədbir keçirilib.
4 Oktyabr 2024 – cü il tarixində ADPU-nun Cəlilabad filialında ” Beynəlxaq Müəllimlər günü” nə həsr olunan “Müəllim andı”adlı tədbir keçirilib. Tədbirdə filialın direktoru , dosent, X.H.Sultanlı, struktur bölmə rəhbərləri və əməkdaşları , filialın professor-müəllim heyəti və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib , daha sonra vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı, müəllimliyin dünyada ən çətin, eyni zamanda, ən şərəfli və ən gözəl peşə olduğunu bildirərək, hər birimizin layiqli vətəndaş kimi yetişməyimizdə müəllimlərimizin əvəzsiz xidmətinin olduğunu vurğulayıb.
Təbiət və sosial elmlər, onların tədrisi texnologiyası kafedrasının baş müəllimi, Ş.Namazova müəllimin gənc nəslin mənəvi aləminin memarı, cəmiyyətin etibar etdiyi şəxs olduğunu vurğulayıb.
Dil-ədəbiyyat, pedaqoji elmlər, onların tədrisi texnologiyası kafedrasının müəllimi Y. Rüstəmov müəllim əməyinin nəticəsində savadlı, bilikli, geniş dünyagörüşlü, nümunəvi əxlaqa malik insanların yetişdiyini vurğulayıb.
Azərbaycan dili və ədəbiyyatı müəllimliyi ixtisasının III tədris ilinin tələbələri R.Feyziyev və A. Muradova öz ürək sözlərini tədbir iştirakçıları ilə bölüşüblər.
Tələbələrimiz D.Sadıqova, Ə.Abdullazadə rejissor Arif Babayev tərəfindən 1975-ci ildə ekranlaşdırılmış lirik kinokomediya filmi olan “Alma – almaya bənzər “filmindən qısa bir fraqmenti səhnələşdiriblər.
Daha sonra TGT-nin nəzdində fəaliyyət göstərən Şən Hazırcavablar Klubunun ideyası əsasında çəkilmiş video-çarxı tədbir iştirakçılarına təqdim olunub.
Tədbirimizin sonunda Şən Hazırcavablar Klubu üzvlərinin, filialımızın dəyərli tələbələrinin hazırladıqları “Məktəbdə bir gün” adlı səhnə həyata keçirilib . Rollarda isə Müəllim – Ş.Dövlətli , Şagirdlər –N. İsmayılov, A.Qurbanov, Ə.Abdullazdə, S.Səfərova, Valideynlər – F. Hüseynov, R.Tağıyev, Ş. Cahangirov, D.Sadıqova çıxış ediblər. Səhnəcikdən sonra tələbələrin müəllimlərə musiqi ifası oxunub.
ADPU-nun Cəlilabad filialında struktur-bölmə rəhbərlərinin iştirakı ilə “proqram akkreditasiyası”na hazırlıqla bağlı Keyfiyyət Komissiyasının iclası keçirilib.
2 oktyabr 2024-cü ildə ADPU-nun Cəlilabad filialında struktur-bölmə rəhbərlərinin iştirakı ilə “proqram akkreditasiyası”na hazırlıqla bağlı Keyfiyyət Komissiyasının iclası keçirilib. İclasda proqram akkreditasiyası ilə bağlı son məsələlər müzakirə edilib.
ADPU-nun Cəlilabad filialında Tədbirlərin Təşkili və Tələbələrlə İş şöbəsinin təşkilatçılığı ilə Tələbə Gənclər Təşkilatının sədr və sədr müavininin seçilməsi məqsədilə görüş keçirilib.
1 oktyabr 2024-cü il tarixində ADPU-nun Cəlilabad filialında Tədbirlərin Təşkili və Tələbələrlə İş şöbəsinin təşkilatçılığı ilə Tələbə Gənclər Təşkilatının sədr və sədr müavininin seçilməsi məqsədilə görüş keçirilib. Görüşdə filialın direktoru, dosent X.H.Sultanlı, pedaqoji fakültənin dekanı M.A.Rəhimova, Tədbirlərin Təşkili və Tələbələrlə İş şöbəsinin müdiri S.A.İsmayılova, şöbənin mütəxəssisi Ş.S.Hüseynov və müxtəlif ixtisaslar üzrə tələbələr iştirak edib. Görüşdə Tələbə Gənclər Təşkilatının sədri, Tarix və coğrafiya müəllimliyi ixtisasının IV tədris ilinin tələbəsi Pünhan Novruzov, sədr müavini isə eyni ixtisas və tədris ilinin tələbəsi Əhəd Sadıqov seçilmişdir. Bu münasibətlə onları təbrik edir , gələcək fəaliyyətlərində uğurlar arzu edirik.
ADPU-nun Cəlilabad filialında ” 27 sentyabr Anım Günü” nə həsr edilmiş tədbir keçirilib.
26 Sentyabr 2024-cü il tarixində ADPU-nun Cəlilabad filialında Azərbaycan Respublikasının prezidenti cənab İlham Əliyevin 2 dekabr 2020-ci il sərəncamına əsasən ” 27 sentyabr Anım Günü” nə həsr edilmiş tədbir keçirilib. Tədbirdə filialın direktoru dosent X.H.Sultanlı, pedaqoji fakültənin dekanı M.A.Rəhimova, Şəhid, Vətən müharibəsi qəhrəmanı, Kapitan Abdullayev Rəşad Arif oğlunun atası Arif Abdullayev, Qazi , baş gizir Məftun Balafət oğlu İbrahimov,Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisləri N.Babayev, Ş.Hüseynov, struktur bölmə rəhbərləri və əməkdaşları, filialın professor-müəllim heyəti və müxtəlif ixtisaslar üzrə tələbələr iştirak edib.
Tədbirdə ilk olaraq Azərbaycan Respublikasının Dövlət himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib.
Tədbiri filialın direktoru, dosent X.H.Sultanlı Ali Baş Komandanın rəhbərliyi altında, xalqın dəstəyindən güc alan mərd oğullarımızın 44 gün ərzində torpaqlarımızı işğaldan azad edərək, tarix yazdığını vurğulayıb. Daha sonra pedaqoji fakültənin dekanı M.A.Rəhimova, Şəhid, Vətən müharibəsi qəhrəmanı, Kapitan Abdullayev Rəşad Arif oğlunun atası Arif Abdullayev, Qazi , baş gizir Məftun Balafət oğlu İbrahimov,Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə, Şəhid Qənbərli Rəşad Əlizamin oğlunun xanımı, filialımızın Azərbaycan dili və ədəbiyyatı müəllimliyi ixtisasının IV tədris ilinin tələbəsi Qənbərli Turanə, Şəhid, kiçik çavuş Mehdiyev Rövşən Mehdi oğlunun bacısı , filialımızın Məktəbəqədər təhsil ixtisasının II tədris ilinin tələbəsi Mehdiyeva Rövşanə Mehdi qızı, Şəhid, baş gizir Qasımov Mirağa Hafiz oğlunun bacısı, filialımızın Azərbaycan dili və ədəbiyyatı müəllimliyi ixtisasının II tədris ilinin tələbəsi Qasımova Alidə , Şəhid, Vətən müharibəsi qəhrəmanı, Kapitan Abdullayev Rəşadın bacısı, filialımızın Tarix və coğrafiya müəllimliyi ixtisasının III tədris ilinin tələbəsi Ayna Fərəcova, Qazi , baş çavuş Mehdiyev Ələmdar Zülfiəli oğlunun övladı, filialımızın Azərbaycan dili və ədəbiyyatı müəllimliyi ixtisasının I tədris ilinin tələbəsi Mehdiyev Röyal “Anım Günü” ilə bağlı öz hisslərini tədbir iştirakçıları ilə bölüşüblər. Daha sonra Məktəbəqədər təhsil ixtisasının I tədris ilinin tələbəsi Mahmudova Gülbikə “Həmin şəhidin səsiyəm” , Azərbaycan dili və ədəbiyyatı müəllimliyi ixtisasının III tədris ilinin tələbəsi Muradlı Aytən “Şəhidlər” şeiri tədbir iştirakçıları tərəfindən dinlənilib. Tədbir “Anım Günü” nə həsr olunan video-çarxın izlənilməsi ilə sona çatıb.
2024/2025-ci tədris ilinin başlanması ilə əlaqədar Pedaqoji faküktə dekanlığının təşkilatçılığı ilə I tədris ilinin tələbələri və valideynləri ilə oreintasiya görüşü keçirilib.
16 sentyabr 2024-cü il tarixində Azərbaycan Dövlət Pedaqoji Universitetinin Cəlilabad filialında 2024/2025-ci tədris ilinin başlanması ilə əlaqədar Pedaqoji fakültə dekanlığının təşkilatçılığı ilə I tədris ilinin tələbələri və valideynləri ilə oriyentasiya görüşü keçirilib. Görüşdə dekan M.A.Rəhimova Filialın yaranma tarixi, ixtisaslar, 2024/2025-ci tədris ilində qəbul olunan tələbə statistikası, hər bir tələbənin bilməli olduğu zəruri terminlər barədə ətraflı məlumat verib. Eyni zamanda, M.Rəhimova Filialın elmi potensialı, qarşıya qoyulan hədəflər, təqaüdün təyin edilməsi, təqaüd balları, təhsil haqlarının ödənilmə qaydaları, universitetdən xaric edilmə halları, eləcə də tədris prosesində davranış qaydaları haqqında tələbələri maarifləndirib.
Azərbaycan Dövlət Pedaqoji Universitetinin Cəlilabad filialında 2024/2025-ci tədris ilinin başlanması ilə əlaqədar “Bilik günü” tədbiri keçirilib.
16 sentyabr 2024-cü il tarixində Azərbaycan Dövlət Pedaqoji Universitetinin Cəlilabad filialında 2024/2025-ci tədris ilinin başlanması ilə əlaqədar “Bilik günü” tədbiri keçirilib. Tədbirdə filialın direktoru, dosent X.H.Sultanlı, pedaqoji fakültə dekanı M.A.Rəhimova, müvafiq struktur bölmə rəhbərləri, əməkdaşları, professor-müəllim heyəti, tələbələr və valideynlər iştirak ediblər. Tədbirdə ilk olaraq Azərbaycan Respublikasının Dövlət himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib. Tədbiri giriş sözü ilə filialın direktoru, dosent X.H.Sultanlı açaraq professor-müəllim heyətini, tələbələri, valideynləri yeni tədris ilinin başlanması münasibətilə təbrik edərək, onlara ən xoş arzularını çatdırıb. Daha sonra pedaqoji fakültə dekanı M.A.Rəhimova tələbələri təbrik edərək onlara hər zaman müəllimlik sənətini ən ali mərtəbədə tutmağı söyləyib. Filialımızın əməkdar müəllimi İ.Bağırov, Tədbirlərin təşkili və tələbələrlə iş şöbəsinin mütəxəssisi N.Babayev, tələbələrimizin valideynləri A.Nəsirov, F.Əsədov, V.Dadaşov, yeni tədris ilinin tələbələri M.Nəsirli, Z.Əliyeva, Ə.Kərimov öz təəssüratlarını tədbir iştirakçıları ilə bölüşüblər.
ADPU-nun Cəlilabad filialında 2023/2024-cü ilin buraxılış qruplarının “Məzun günü” keçirilib.
27 iyun 2024-cü il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə 2023/2024-cü ilin buraxılış qruplarının “Məzun günü” keçirilib. Tədbirdə filialın direktoru dosent X.H.Sultanlı, direktor müavini A.Ağahüseynov, filialın professor-müəllim heyəti, digər struktur bölmələrin əməkdaşları və müxtəlif ixtisasların tələbələri iştirak edib.
Tədbirdə ilk olaraq Azərbaycan Respublikasının Dövlət Himni səsləndirilib, Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib.
Daha sonra tədbirə 2023/2024-cü tədris ilinin buraxılış qrupları dəvət olunublar.
Tədbiri giriş sözü ilə açan filialın direktoru, dosent X.H.Sultanlı ilk olaraq məzunları təbrik edib və həyatlarının bundan sonrakı dövründə onlara uğurlar arzulayıb.
Filialımızın professor- müəllim heyəti də məzunları təbrik edib, gələcək həyatlarında uğurlar arzulayaraq, onları müqəddəs müəllimlik peşəsinin adını hər zaman ucalarda daşımağa və ona layiq olmağa səsləyib.
Eyni zamanda 2023/2024-cü tədris ilinin məzunları və onların valideynləri də çıxış edərək, bu gün yaşadıqları hislərin çox unudulmaz və əvəzsiz olduqlarını bildirərək, bu illər ərzində onlardan öz diqqət, qayğı və sevgilərini əsirgəməyən professor-müəllim heyətinə öz təşəkkürlərini bildiriblər.
Tədbirin davamında tələbələrin hazırladığı çıxışlar- S.Səfərova və A.Qurbanovun təqdimatında “Uzundərə” rəqsi, S.Mahmudovanın ifasında “Biz mehriban ailəyik” musiqisi, L.Əhmədova və H.İsmayılovun “Şuşanın dağları” rəqsi tədbir iştirakçıları tərəfindən maraqla izlənilib.
Tədbir şən musiqi ifasında müəllim- tələbə heyətinin qarşılıqlı rəqs etməsi ilə yekunlaşıb.