Author: adpu

27 aprel 2026-cı ildə Azərbaycan Dövlət Pedaqoji Universitetinin Cəlilabad filialı və Psixoloji xidmət və reabilitasiya mərkəzi arasında “Əməkdaşlıq Memorandumu” imzalanıb.
Memorandum ADPU-nun Cəlilabad filialının direktoru, dosent X.H.Sultanlı və Psixoloji xidmət və reabilitasiya mərkəzinin rəhbəri A.Kərimli tərəfindən imzalanıb. . Əməkdaşlıq Memorandumunun imzalanmasının əsas məqsədini psixologiya üzrə təhsil alan tələbələrə bu sahədə bacarıqlarını inkişaf etdirmə və bu elmə aid biliklərin daha da dərindən formalaşdırılması təşkil edib.

23.04.2026-cı il tarixində ADPU Cəlilabad filialının və Cəlilabad Rayon Mərkəzləşdirilmiş Kitabxana Sisteminin birgə təşkilatçılığı ilə Azərbaycan Respublikası Prezidentinin sərəncamına əsasən böyük filosof Xaqani Şirvaninin anadan olmasının 900 illiyi ilə əlaqədar “Şeir sənətinin zirvəsini fəth edən insan “adlı şeir gecəsi keçirildi.
Gecədə ADPU Cəlilabad filialının direktoru,dosent Xudayar Sultanlı, direktor müavini Eldar Muradlı , filialın baş müəllimləri Tofiq İsgəndərov, Ələsgər Mirzəzadə, Ictimaiyyətlə əlaqələr üzrə məsul şəxs Ş. Hüseynov, Şair ,AYB -nin üzvü Əfrahim Abbas,Şair qiraətçi Mikayıl İncəçaylı,Tarix müəllimi,bədii qiraətçi Adıgözəl Nuriyev, Şəhər bələdiyyə sədrinin müavini Elçin Hüseynov, Şair Qurban Əhməd , Müəllim Dadaş Bayramov və Filialın müxtəlif ixtisaslar üzrə tələbələri iştirak edirdilər.
İlk öncə Azərbaycan Respublikasının Dövlət Himni səsləndirildi . Sonra Ulu öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.
Gecənin aparıcısı MKS-nin metodisti Müşahidə Nərimanova giriş sözü ilə çıxış edərək vurğuladı ki, Şairləri qartala bənzədirlər. Axı, qartallar zirvədə yaşayır, şairləri də, yüksəklik həmişə özünə səsləyir. Axı, qartallar mavi səmalarda süzüb yerə, insanlara, həyata tamaşa eləməkdən həzz alırlar. Şairlər də həyatın fövqündə dayanıb həyata baxır. Onlar həyata uzaqdan baxmaq istəmir. Azərbaycan milli mədəniyyətini min bir ulduzlu göyə bənzətmək olar. Bu sönməz ulduzların arasında ən gur işıq saçanların, öz şəkli, öz adı və öz səmti olanlardan biri də Əfzələddin Xaqani Şirvanidir. Xaqani bizə xalqın ürəyindən axıb gəlmişdir. Onun həmişəcavan poeziyası şeir aşiqlərinin qəlbində, dilində doqquz əsrə yaxındır ki, ömür sürüb, damcı-damcı bir yerə toplanıb və bu gün bizim gördüyümüz ümmanı yaradıbdır.
Tədbirdə iştirak edən qonaqlar da çıxışlarında vurğuladılar ki, Xaqani Şirvani vətənini dərin bir məhhəbbətlə sevən bir şair idi. Daim vətəni tərənnüm edən şeirləri, əsərləri bu günə qədər sevilir və hər bir gələcək nəslə örnək və nümunədir. Şairin yazdığı “Savalan dağının tərifi” vətənpərvərlik mövzusunda yazılmış öz qiymətli fikri-bədii keyfiyyətləri etibarı ilə xüsusi yer tutan əsərdir.
Tədbirdə filialın tələbələri Xaqani Şirvanin qəzəllərindən səsləndirdilər və “Həbsdən şikayət”adlı səhnəcik ifa etdilər.

8 aprel 2026-cı ildə Azərbaycan Dövlət Pedaqoji Universitetinin Cəlilabad filialı və Masallı Dövlət Regional Kolleci arasında “Əməkdaşlıq Memorandumu” imzalanıb.
Memorandum ADPU-nun Cəlilabad filialının direktoru, dosent X.H.Sultanlı və Masallı Dövlət Regional Kollecinin direktoru R.Qurbanov tərəfindən imzalanıb. Əməkdaşlıq Memorandumunun imzalanmasının əsas məqsədini regional əmək bazarının tələblərinə uyğun olaraq ixtisaslı kadr hazırlığında və təhsil sahəsində qarşılıqlı faydalı əməkdaşlığın qurulması , bu əməkdaşlığın birgə layihələr və təcrübə mübadiləsi vasitəsilə tərəflərin potensialından səmərəli istifadə olunması təşkil edib.

7 aprel 2026-cı il tarixində Cəlilabad şəhər “Mişar çay” ərazisində Lənkaran-Astara Regional Gənclər və İdman İdarəsinin təşkilatçılığı ilə “7-Aprel Ümumdünya Sağlamlıq Günü” ilə əlaqədar “Sağlam həyat-güclü cəmiyyət” adlı təmizlik aksiyası keçirilib.
Aksiya zamanı Azərbaycan Dövlət Pedaqoji Universitetinin Cəlilabad filialının fəalları “Mişar çay” ərazisində təmizlik işləri apararaq aksiyada iştirak ediblər.

3 aprel 2026-cı ildə Psixoloji xidmət və reabilitasiya mərkəzi tərəfindən ADPU-nun Cəlilabad filialında Təhsildə sosial- psixoloji xidmət ixtisasının I və II tədris ilinin tələbələri ilə ”Ümumdünya Autizm maarifləndirmə” gününə həsr olunan tədbir keçirilib. Tədbirdə Pedaqoji fakültənin dekanı, p.ü.f.d E.İsmayılova, Təbiət və sosial elmlər, onların tədrisi texnologiyası kafedrasının müdiri S.İsmayılova, İctimaiyyətlə əlaqələr üzrə məsul şəxs Ş.Hüseynov, Dil-ədəbiyyat, pedaqoji elmlər və onların tədrisi texnologiyası kafedrasının müəllimi F.Əzimov, Mühasibatlıq şöbəsinin baş mühasib v.i.e G.Vəliyeva, Psixoloji xidmət və reabilitasiya mərkəzinin rəhbəri A.Kərimli, psixo-pedaqoq G.Mirzəyeva, psixoloq A.Qürbətova, və tələbələr iştirak ediblər.
Təlimin əsas məqsədini psixologiya üzrə təhsil alan tələbələrə autizm uşaqları ilə işləmə bacarıqlarını inkişaf etdirmə və hansı yanaşma növlərini həyata keçirməli olduğları biliklərinin formalaşdırılması təşkil edib. Tədbirin sonunda qonaqlar və tədbir iştirakçıları ilə xatirə şəkli çəkilib.

31 mart 2026-cı il tarixində ADPU Cəlilabad filialında “31 Mart Azərbaycanlıların Soyqırımı günü” ilə əlaqədar tədbir keçirilib. Tədbirdə filialın direktoru, dosent X.H.Sultanlı, Təbiət və sosial elmlər, onların tədrisi texnologiyası kafedrasının baş müəllimləri Ə.Mirzəzadə, F.Mürsəlli, struktur-bölmə əməkdaşları və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra soyqırım qurbanlarının və torpaqlarımız uğrunda canlarından keçən qəhrəman Vətən övladlarının unudulmaz xatirəsi 1 dəqiqəlik sükutla yad edilib.
Tədbiri giriş sözü ilə filialın direktoru, dosent X.H.Sultanlı açaraq Azərbaycan xalqının tarixində silinməz iz buraxan faciələrdən birinin “31 Mart Soyqırımı” olduğunu vurğulayaraq, erməni vandalizminin xalqımıza qarşı törətdiyi vəhşiliklərdən bəhs edib.
Təbiət və sosial elmlər, onların tədrisi texnologiyası kafedrasının baş müəllimi Ə.Mirzəzadə çıxışında 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələrinin azərbaycanlıları kütləvi şəkildə vəhşicəsinə qətlə yetirdiyini bildirib.
Təbiət və sosial elmlər, onların tədrisi texnologiyası kafedrasının baş müəllimi F.Mürsəlli 1918-ci ilin mart-aprel aylarında Şamaxıda 8 minə qədər dinc sakinin, eləcə də Şamaxı Cümə məscidi də daxil olmaqla əksər mədəniyyət abidələrin yandırılıb və uçurulduğunu, Cavanşir qəzasının 28 kəndi, Cəbrayıl qəzasının 17 kəndi yandırıldığını , 1918-ci il aprelin 29-da Gümrü yaxınlığında əsasən qadınlardan, uşaqlardan və yaşlılardan ibarət 3 min nəfərlik azərbaycanlı köçün pusquya salınaraq son nəfərinədək məhv edildiyini söyləyib.
Daha sonra filialın tələbələri F.İmanova, A.Məmmədova tarixi günlə bağlı öz çıxışlarını ediblər.Tədbirin sonunda “31 Mart Azərbaycanlıların Soyqırımı günü”nə həsr olunan video-çarx təqdim edilib.

17 mart 2026-cı ildə ADPU-nun Cəlilabad filialında “Novruz Bayramı” münasibətilə tədbir keçirilmişdir. Tədbirdə Filialın direktoru, dosent X.H.Sultanlı, Tədris və Elmi işlər üzrə direktor müavini E.Muradlı, professor-müəllim heyəti, struktur bölmə rəhbərləri və əməkdaşları, müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi 1 dəqiqəlik sükutla yad edilib.
Tədbiri giriş nitqi ilə açan filialın direktoru, dosent X.H.Sultanlı bayram münasibətilə tədbir iştirakçılarını təbrik edib və onlara bayram ərəfəsində xoş əhval-ruhiyyə arzulayıb. Daha sonra filialın professor-müəllim heyəti də tədbir iştirakçılarını təbrik edib onlara yeni-yeni uğurlar arzu ediblər.
Tədbirin davamında filialın tələbəsi G.Məmmədli şeir ifası səsləndirib, sonra video-çarx nümayiş edilib.
Tədbirin yekununda isə TGT nəzdində fəaliyyət göstərən ŞHK klubunun hazırladığı “İmtahan” səhnəciyi maraqla izlənilib.

16 mart 2026-cı ildə Cəlilabad rayon İcra Hakimiyyəti və ADPU Cəlilabad filialının birgə təşkilatçılığı ilə Azərbaycan Respublikasında 2026-cı ilin “Şəhərsalma və Memarlıq İli” elan edilməsi haqqında Azərbaycan Respublikası Prezidentinin 22 dekabr 2025-ci il tarixli Sərəncamına əsasən tədbir keçirilib. 2013-cü ilin dekabrında BMT Baş Assambleyası tərəfindən təsis edilmiş Ümumdünya Şəhərlər Gününə həsr olunub “Dəyişən dünya: yeniliklər və gələcək nəsillər üçün daha yaxşı həyat” mövzusunda keçirilən tədbirdə filialın direktoru, dosent X.H.Sultanlı, Tədris və Elmi işlər üzrə direktor müavini E.Muradlı, professor-müəllim heyəti və müxtəlif ixtisaslar üzrə tələbələr iştirak ediblər. Tədbirdə ilk olaraq Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı BMT Baş Assambleyasının müvafiq qətnaməsi ilə 2013-cü ilin dekabrında təsis edilən Ümumdünya Şəhərlər Günü dünya urbanizasiyası problemlərinə beynəlxalq ictimaiyyətin diqqətini cəlb etmək məqsədi daşıdığını vurğulayıb. Bütün dünyada şəhərlərin davamlı inkişafını təmin etmək üçün bu proseslə bağlı problemlərin həllində imkanlardan istifadə edilməsi məqsədilə ölkələrin əməkdaşlığının gücləndirilməsindən bəhs olunur. Bu beynəlxalq bayram bəşəriyyətin yaratdığı ən qüdrətli və mürəkkəb əsərinə həsr edilib. Sirr deyil ki, istənilən şəhərin sosial-iqtisadi inkişafı onun urbanizasiyasından, burada insanların nə dərəcədə rahat və təhlükəsiz yaşamasından, ekologiyadan, infrastrukturun inkişaf səviyyəsindən, təklif olunan xidmətlərin keyfiyyətindən və s. asılıdır. Azərbaycanda şəhərsalma və memarlıq sənətinin bariz nümunələrinin olduğunu və daim yüksək inkişaf səviyyəsinə görə seçilən tarixi şəhərlərimizin ötən dövrlərin memarlıq tendensiyalarına uyğun böyüyüb genişlənməklə bərabər, yerli mədəniyyətin əsas xüsusiyyətlərini qoruyub saxladığını vurğulayıb.
Daha sonra ADPU Cəlilabad filialının Tədris və Elmi işlər üzrə direktor müavini E.Muradlı bildirmişdir ki, hazırda planetin bütün sakinlərinin 55 faizi şəhərlərdə yaşayır. 2050-ci ilədək planetin əhalisinin 75 faizi şəhərliyə çevriləcək.
Dünyanın enerji tələbatının üçdə ikisindən və planetimizi isidən parnik qazları emissiyasının 70 faizdən çoxu şəhərlərin payına düşür. Buna görə də şəhər infrastrukturuna toxunan məsələlərdə, o cümlədən şəhər planlaşdırılması, enerji effektivliliyi, elektrik enerjisi istehsalı və nəqliyyat məsələlərində yaxın onillikdə qəbul edilən qərarlar bəşəriyyətin gələcəyinə müəyyən təsirini göstərəcək.
Şəhərlər intellektual fəaliyyət, ticarət, mədəniyyət, elm, sosial inkişaf və digər sahələrin mərkəzləridir. Dünyada ümumi daxili məhsulun 80 faizindən çoxu şəhərlərin payına düşür.
Tədbirin sonunda “Şəhərsalma və Memarlıq İli” nə həsr olunan slaydı təqdim edilib.
Tədbirdə 30 nəfər İştirak etmişdir.

6 Mart 2026- cı ildə ADPU-nun Cəlilabad filialında “8 Mart Beynəlxalq Qadınlar Günü” nə həsr olunan ümumfilial tədbiri keçirilib . Tədbirdə filialın direktoru, dosent X.H.Sultanlı, Tədris və Elmi işlər üzrə direktor müavini E.Muradı, professor-müəllim heyəti, müxtəlif struktur bölmənin əməkdaşları, fərqli ixtisaslar üzrə tələbələr iştirak ediblər.
Tədbirdə ilk olaraq Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan filialın direktoru, dosent X.H.Sultanlı “8 Mart – Beynəlxalq Qadınlar Günü” münasibətilə dəyərli xanımları təbrik edib, onlara gələcək həyatlarında uğurlar arzu edib.
Daha sonra söz filialın müəllimələrinə təqdim edilib. Tədbirin davamında tələbələr “8 Mart Beynəlxalq Qadınlar Günü”nə həsr olunan şeir parçalarını (M.İsmayılova, M.Rüqəyya, G.Məmmədli) səsləndiriblər. Sonra isə TGT nəzdində fəaliyyət göstərən ŞHK-nun səhnəciyi (Ə.Abdullazadə, S.Fərəcli, A.Məmmədli, F.Mədətova, R.Əliyev, Ə.Kərimli) nümayiş edilib.Səhnəcikdən sonra TGT nəzdində fəaliyyət göstərən “ECO” klubun təşəbbüsü ilə filialın qadın müəllimlərinə hədiyyələr təqdim olunub.
Tədbirin yekununda Universitetin ictimai-siyasi həyatında fəal iştirakına, qüsursuz və səmərəli fəaliyyətinə görə “8 Mart Beynəlxalq Qadınlar Günü” münasibətilə tələbələr Filial rəhbərliyi tərəfindən “Fəxri Fərmanla “ təltif olunublar.

ADPU Cəlilabad filialının girişində Təbiətlə bağlı rəsm (karikatura) və kitablardan ibarət olan Guşə yaradılmışdır. 4 mart 2026-cı ildə Filialın direkoru, dosent X.H.Sultanlı, Tədris və Elmi işlər üzrə direktor müavini E.Muradlı burada yaradılan guşə materialları ilə tanış olmuş və çəkilən rəsmləri nəzərdən keçirmişlər. Görüşdə filialın müxtəlif ixtisasları da iştirak etmiş və xatirə şəkilləri çəkilmişdir.Guşənin il sonuna qədər saxlanılması nəzərdə tutulmuşdur.