Author: adpu

6 may 2025-ci ildə ADPU-nun Cəlilabad filialının və Dövlət Məşğulluq Agentliyinin Lənkəran-Astara Regional Məşğulluq idarəsinin birgə təşkilatçılığı ilə tədbir keçirilib.
Tədbirdə Filialın direktoru, dosent X.H.Sultanlı, Tədris və Elmi işlər üzrə direktor müavini E.Muradlı, Məzun koordinasiya və karyera üzrə mütəxəssisi R.Sabirli, İctimaiyyətlə əlaqələr üzrə məsul şəxsi Ş.Hüseynov, Dövlət Məşğulluq Agentliyinin Lənkəran-Astara Regional Məşğulluq idarəsinin Cəlilabad Rayon xidmət şöbəsinin müdiri S.Abbasov, İşsiz şəxslərlə iş şöbəsinin mütəxəssisi, karyera məsləhətçisi F.İsgərdərzadə, Dövlət Məşğulluq Agentliyinin Mərkəzi karyera filialının əməkdaşları, Layihələrin təşkili şöbəsinin aparıcı mütəxəssisi J.Bənnayeva, Sənədlərlə iş və inzibati şöbə mütəxəssisi S.Bayramova və müxtəlif ixtisaslar üzrə tələbələr iştirak ediblər

6 may 2025-ci ildə ADPU-nun Cəlilabad filialının, Qızıl Aypara Cəmiyyəti Cəlilabad Bölməsinin, Tələbə Gənclər Təşkilatının birgə təşkilatçılığı ilə Ulu Öndər Heydər Əliyevin anadan olmasının 102-ci ildönümünə həsr olunmuş ekoloji aksiya keçirilib.
Tədbirdə Filialının direktoru, dosent X.H.Sultanlı, Qızıl Aypara Cəmiyyətinin Cəlilabad rayon bölməsinin sədr müavini M.Eynullayev, Tələbə Gənclər Təşkilatının sədri P. Novruzov və müxtəlif ixtisaslar üzrə tələbələr iştirak ediblər.
Aksiya çərçivəsində təbiətin qorunması və ətraf mühitin təmiz saxlanılmasının vacibliyinə diqqət çəkilib.

25 Aprel 2025-ci ildə Təhsildə Keyfiyyətin Təminatı Agentliyinin (TKTA) ADPU-nun Cəlilabad filialına rəsmi səfəri baş tutmuşdur. Görüşdə Filialın direktoru, dosent X.H. Sultanlı, Təhsildə Keyfiyyətin Təminatı Agentliyinin rəhbərliyi, Pedaqoji fakültənin dekanı M.A.Rəhimova, struktur-bölmə rəhbərləri və əməkdaşları, professor-müəllim heyəti və müxtəlif ixtisaslar üzrə tələbələr iştirak ediblər. Səfərin əsas məqsədini TKTA rəsmi heyətinin müəssisə ilə yerində tanışlıq təşkil edib.

17 Aprel 2025-ci ildə ADPU-nun Cəlilabad filialında “Korrupsiya riski və onun aradan qaldırılması” mövzusunda tədbir keçirilib. Tədbirdə Təbiət və sosial elmlər, onların tədrisi texnologiyası kafedrasının baş müəllimi Ş.Namazova,Tədbirlərin təşkili və tələbələrlə iş şöbəsinin müdiri S.İsmayılova, şöbənin mütəxəssisi Ş.Hüseynov, professor – müəllim heyəti və müxtəlif ixtisaslar üzrə tələbələr iştirak edib.
Tədbiri giriş sözü ilə açan baş müəllim S.İsmayılova Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın yerinə yetirilməsi ilə əlaqədar tez-tez belə tədbirlərin keçirilməsinin vacib olduğunu vurğulayıb.
Təbiət və sosial elmlər, onların tədrisi texnologiyası kafedrasının baş müəllimi Ş.Namazova Korrupsiya ilə əlaqədar hüquq pozuntularının inzibati və ya cinayət məsuliyyəti yaratdıqda, korrupsiyaya qarşı mübarizəni qanunvericiliklə müəyyən edilmiş qaydada hüquq-mühafizə orqanlarının həyata keçirdiyini bildirib.
Tədbir tələbələrin mövzu ilə bağlı suallarının professor-müəllim heyətinin cavablandırması ilə yekunlaşıb.

16 aprel 2025-ci ildə ADPU-nun Cəlilabad filialında “Təbiət və sosial elmlər, onların tədrisi texnologiyası kafedrası”nın müəllimi Rzayev Firudin Bahadur oğlunun Məktəbəqədər təhsil ixtisasının III tədris ilinin “MT 22” qrupu ilə “Məktəbəqədər təhsil müəssisələrində əmək təlimi və onun tədrisi metodikası” fənnindən “Özünəxidmət əməyi və təsərrüfat-məişət əməyinin təşkili” mövzusunda açıq dərsi keçirilib. Dərsdə kafedranın baş müəllimləri və struktur bölmənin əməkdaşları iştirak ediblər.

ADPU-nun Cəlilabad filialında 8 aprel 2025-ci il tarixində “ Konstitusiya və Suverenlik İli”nə həsr olunan ağacəkmə aksiyası keçirilib. Aksiya filialın yaxınlığında yerləşən Mehdi Hüseyn küçəsində, yolun kənarındakı ərazini əhatə etmişdir. Ağacəkmə aksiyasında filialın direktoru, dosent X.H.Sultanlı, professor-müəllim heyəti, struktur-bölmə rəhbərləri və əməkdaşları, müxtəlif ixtisaslar üzrə tələbələr iştirak ediblər. Aksiyada 100 ədədə yaxın ağacın əkilməsi, daha öncədən əkilmiş ağacların suvarılması və ətraflarının ot örtüklərindən təmizlənməsi işləri görülüb.

ADPU-nun Cəlilabad filialında “Məzun koordinasiya və karyera” bölməsinin təşkilatçılığı ilə Məktəbəqədər təlim və tərbiyə ixtisası üzrə 2007-ci ildə məzun olmuş Sərhətli Naibə və həmin ixtisas üzrə 2017-ci ildə məzun olmuş Əzizli Günəşin Məktəbəqədər təhsil ixtisasının tələbələri ilə “Məktəbəqədər təhsildə karyera” istiqamətində görüşü keçirilmişdir.
Görüşdə açılış nitqini Məzun koordinasiya və karyera üzrə mütəxəssis Rüfət Sabirli edib.
Daha sonra Pedaqoji fakültənin dekanı Rəhimova Mənzilə çıxış edərək tələbələrə Məktəbəqədər təhsil ixtisasının önəmini vurğulamışdır.
Sonra isə, Günəş Əzizli və Sərhətli Naibə çıxış edərək tələbələrə bu sahədəki karyera imkanları, inkişaf perspektivləri və gələcəkdə qarşılaşa biləcəkləri çətinliklər haqqında ətraflı məlumat vermişlər.
Tədbirin məqsədi tələbələri gələcək peşə seçimləri barədə məlumatlandırmaq, onlara praktik məsləhətlər vermək və bu sahədə uğur qazanmağın yollarını müzakirə etmək olub. Görüş zamanı aşağıdakı mövzular ətrafında müzakirələr aparılıb:
– Məktəbəqədər təhsil sahəsində karyera imkanları
– Peşəkar inkişaf və təcrübənin əhəmiyyəti
– İş imkanları və işə qəbul prosesləri
– Bu sahədə müasir tendensiyalar və tələblər
Tələbələr görüş zamanı öz suallarını ünvanlamış və mövzu ilə bağlı dəyərli müzakirələr aparılmışdır. Günəş Əzizli və Sərhətli Naibə iştirakçılarla öz şəxsi təcrübələrini bölüşmüş, onlara uğurlu karyera üçün vacib bacarıqlar və biliklər barədə ətraflı məlumat vermişlər.
Görüşün sonunda tələbələrə gələcəkdə bu sahədə inkişaf etmək üçün tövsiyələr verilib və onları maraqlandıran məsələlər ətrafında geniş fikir mübadiləsi aparılıb.
Qeyd edək ki, məzunlarımız Sərhətli Naibə Cəlilabad şəhər 5 nömrəli körpələr evi-uşaq bağçasının və Əzizli Günəş isə Cəlilabad şəhər 10 nömrəli körpələr evi-uşaq bağçasının müdiri vəzifəsində çalışırlar.

17 Mart 2025-ci ildə ADPU-nun Cəlilabad filialında Elmi Şuranın növbəti iclası keçirilib.İclasda Məktəbəqədər təhsil ixtisası üzrə keçiriləcək proqram akkreditasiyası ilə bağlı özünütəhlil hesabatının müzakirəsi və təsdiqi öz əksini tapıb.