Author: adpu

Dekabrın 4-də Cəlilabad şəhər Heydər Əliyev Mərkəzində Cəlilabad Rayon İcra Hakimiyyətinin və Lənkəran-Astara Regional Gənclər və İdman İdarəsinin birgə təşkilatçılığı, Lənkəran-Astara Regional Mədəniyyət İdarəsinin tərəfdaşlığı ilə “Konstitusiya və Suverenlik ili” çərçivəsində 5 Dekabr-Beynəlxalq könüllülər günü münasibətilə ilə “Suveren dövlətdə inamlı gələcəyə doğru” adlı regional tədbir keçirilib.Tədbirdə ADPU-nun Cəlilabad filialının tələbələri də iştirak ediblər.
Tədbirdən əvvəl qonaqlar könüllü gənclərin əl işlərindən ibarət sərgiyə baxış keçiriblər.
Tədbirdə Cəlilabad Rayon İcra Hakimiyyəti başçısının birinci müavini Qalib Xudaverdiyev, Lənkəran-Astara Regional Gənclər və İdman İdarəsinin rəisi Teymur Babazadə, rayon sektor müdirləri və əməkdaşları, Cəlilabad Rayon Mədəniyyət Mərkəzinin əməkdaşları, ADPU-nun Cəlilabad filialının və Cəlilabad Tibb Kollecinin tələbələri, Cəlilabad Dövlət Peşə Təhsil Mərkəzinin könüllüləri, həmçinin Lənkəran, Astara, Lerik, Yardımlı, Masallı və Cəlilabad rayonundan olan könüllü gənclər iştirak ediblər.
Tədbir Azərbaycan Respublikasının Dövlət himni ilə açıq elan edilib və Respublikamızın ərazi bütövlüyü və suverenliyi uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Sonra “Könüllülər Günü”nə həsr olunmuş videoçarx nümayiş olunub.
Çıxış edən gənclər ölkəmizdə könüllülük fəaliyyətinin əhəmiyyətindən, gənclərin ictimai həyatda fəallığından və dövlət – gənclər siyasətinin əsas istiqamətlərindən bəhs ediblər.
Sonda Respublikamızın ictimai həyatında fəal iştirakına görə fərqlənən gənclərə Lənkəran – Astara Regional Gənclər və İdman İdarəsi tərəfindən fəxri fərmanlar təqdim olunub. Həmçinin ADPU-nun Cəlilabad filialının tələbələri də tədbirdə mükafatlandırılıb.Qeyd edək ki, tədbirdə 200 nəfərdən çox filialın tələbəsi iştirak edib.
Tədbir bədii proqramla davam edib.
İştirakçılar üçün müxtəlif musiqi nömrələri səsləndirilib. Səsləndirilən musiqilər iştirakçılarda xoş ovqat yaradıb və tədbir yüksək əhval –ruhiyyə ilə yekunlaşıb.

4 dekabr 2025-ci ildə Psixoloji xidmət və reabilitasiya mərkəzi tərəfindən ADPU-nun Cəlilabad filialında Təhsildə sosial- psixoloji xidmət ixtisasının I və II tədris ilinin tələbələri ilə ”Psixoloji və Nitq inkişafı” mövzusunda seminar keçirilib. Seminarda ADPU-nun Cəlilabad filialının direktoru, dosent X.H.Sultanlı, Tədbirlərin təşkili və tələbələrlə iş şöbəsinin müdiri A.Səlimzadə, İctimaiyyətlə əlaqələr üzrə məsul şəxs Ş.Hüseynov, filialın müəllimi F.Əzimov, Psixoloji xidmət və reabilitasiya mərkəzinin rəhbəri A.Kərimli, loqoped S.Ağayeva, psixoloq X.Səfərova və tələbələr iştirak ediblər.
Seminarın əsas məqsədini tələbələrin psixoloji və nitq inkişafı bacarıqlarını artırmaq, praktiki təcrübələrini genişləndirmək və mövzu ilə bağlı suallarına aydınlıq gətirmək təşkil edib. Seminarın sonunda qonaqlar və tədbir iştirakçıları ilə xatirə şəkli çəkilib.

28 noyabr 2025-ci ildə ADPU Cəlilabad filialında “Azərbaycan ədəbiyyatında təbiət tərənnümü” mövzusunda Respublika Elmi Konfransı keçirilib. Konfransda filialın direktoru, dosent Xudayar Sultanlı, Cəlilabad RİH başçısı aparatının böyük məsləhətçisi, Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xumarə Xəlilova, ADPU-nun Ədəbiyyat kafedrasının müdiri, f.ü.f.d, dosent Razim Məmmədov, həmin kafedranın professoru, filologiya elmlər doktoru Cavadov Təyyar, professor, filologiya elmlər doktoru Allahmanov Mahmud, Elmi-təşkilati şöbənin Elmi nəşrlər bölməsinin müdiri, f.ü.f.d, Nigar Aslanova, ADPU-nun Cəlilabad filialının “Dil-ədəbiyyat, pedaqoji elmlər və onların tədrisi texnologiyası kafedrasının müdiri Yədulla Dadaşlı, struktur bölmə rəhbərləri və əməkdaşları, professor-müəllim heyəti, Azərbaycan dili və ədəbiyyatı müəllimliyi ixtisasının I, III tədris ilinin tələbələri iştirak ediblər.
Konfransda ilk olaraq Azərbaycan Respublikasının Dövlət Himni səsləndirilib, daha sonra torpaqlarımızın azadlığı uğrunda canından, qanından keçmiş şəhidlərimizin əziz xatirəsi bir dəqiqəlik sükutla yad edilib.
Konfransı filialın direktoru, dosent X.H.Sultanlı giriş nitqi ilə açaraq ADPU-nun Cəlilabad filialının Ümummilli liderimiz Heydər Əliyevin “Azərbaycan Respublikasında təhsil sisteminin təkmilləşdirilməsi” haqqında 13 iyun 2000-ci il tarixli 349 nömrəli fərmanı ilə yaradıldığını vurğulayaraq hal-hazırda ölkə və region üçün siyasi, sosial, iqtisadi, strateji əhəmiyyətə malik olan elm, təhsil, mədəniyyət və intellekt mərkəzinə çevrildiyini bildirib. Daha sonra konfransın üç əsas istiqamət üzrə aparılacağını söyləyərək birinci istiqamətin – Klassik Azərbaycan poeziyasında təbiət təsvirləri, ikinci istiqamətin – Çağdaş Azərbaycan ədəbiyyatında təbiətin tərənnümü, üçüncü istiqamətin – Aşıq yaradıcılığı, folklor və ekoloji mədəniyyət olduğunu nəzərə çatdırıb.
Cəlilabad RİH başçısı aparatının böyük məsləhətçisi Xumarə Xəlilova çıxış edərək dövlət, təhsil və gənclər siyasətinin həyata keçirilməsi, erkən nigahların qarşısının alınması, qızların ali təhsilə cəlb olunması, xalqımız üçün yüksək intellektual səviyyəli, sağlam düşüncəli, mənəviyyatca saf, elmli, bilikli və vətənpərvər olan Azərbaycan vətəndaşlarının yetişdirilməsinin öz fəaliyyətlərində əsas yer tutduğunu bildirib. Bu siyasətlərin həyata keçirilməsində ADPU-nun Cəlilabad filialının böyük rolu olduğunu bildirərək, belə tədbirlərin , konfransların hər zaman vacib olduğunu konfrans iştirakçılarının nəzərinə çatdırıb.
Sonra isə ADPU-nun Ədəbiyyat kafedrasının müdiri , f.ü.f.d, dosent Razim Məmmədova söz verilib. O, öz çıxışında bu gün ölkəmizdə keçirilən elmi və mədəni tədbirlərin hər birinin xüsusi bir məna daşıdığını vurğulayaraq, “Azərbaycan ədəbiyyatında təbiətin tərənnümü” mövzusunda keçirilən bu konfransın respublika səviyyəsində aparılan elmi və mədəni fəaliyyətlərin mühüm bir hissəsini təşkil etdiyini nəzərə çatdırıb .
Daha sonra plenar iclasın açılış məruzələri dinlənilib. ADPU-nun Ədəbiyyat kafedrasının professoru, filologiya elmləri doktoru Cavadov Təyyar “Romantizmin estetikası, təbiətin simvolikası (Ə.Cavadın yaradıcılığı əsasında) professor, filologiya elmləri doktoru Allahmanov Mahmud “Hüseyn Arif poeziyasında təbiət simvolikasının bədii-estetik funksiyası” ADPU-nun Cəlilabad filialının Dil-ədəbiyyat, pedaqoji elmlər, onların tədrisi texnologiyası kafedrasının müdiri, filologiya üzrə fəlsəfə doktoru, dosent Dadaşlı Yədulla “Mahirə Nağı qızının poeziyasında vətənimizin təbii gözəlliklərinin təsviri” mövzusunda geniş məruzələrlə çıxış ediblər .
Konfransın davamında söz qonaqlara, professor – müəllim heyətinə təqdim edilib. Onlar da öz növbəsində konfransın təşkilatçılığı üçün filialın direktoru, dosent X.H.Sultanlıya öz təşəkkürlərini bildirib və burada iştirak etməyin böyük qürur hissi olduğunu bildiriblər.
Qeyd edək ki, konfransın plenar iclası filialın II tədris binasında təşkil olunub. Plenar iclasdan sonra “Azərbaycan ədəbiyyatında təbiət tərənnümü” mövzusunda Respublika Elmi Konfransı öz işini 3 bölmədə müzakirələrlə davam etdirib.

25 noyabr 2025-ci ildə ADPU Cəlilabad filialında Təbiət və sosial elmlər, onların tədrisi texnologiyası kafedrasının baş müəllimi Ələsgər Mirzəzadənin I tədris korpusunda “Qədim və Orta əsrlərdə bölgəmizdə (Azərbaycanın Cənub-şərq bölgəsi) dəfn adətləri və qəbir abidələri” mövzusunda elmi seminarı keçirilib. Elmi seminarda Filialın direktoru, dosent X.H.Sultanlı, dekan müavini, p.ü.f.d E.İsmayılova, Təbiət və sosial elmlər, onların tədrisi texnologiyası kafedrasının müdiri S.İsmayılova, İctimaiyyətlə əlaqələr üzrə məsul şəxs Ş.Hüseynov, filialın baş müəllimi A.Hüseynov və müxtəlif ixtisaslar üzrə tələbələr iştirak edib.
Elmi seminarda Azərbaycanın cənub-şərq bölgəsinin Qədim və Orta əsrlər dövründə tayfa və xalqların qəbir abidələrində dəfn edilmiş insanların adətləri ilə bağlı aparılmış araşdırmalardan bəhs edilib. Daha sonra akademik səviyyələrdə aparılmış arxeoloji qazıntı materiallarından və ADPU Cəlilabad filialının baş müəllimi Ə. Mirzəzadənin son ildə apardığı tədqiqatyönümlü materiallarından istifadə edilmiş və slayd-təqdimat tədbir iştirakçılarına təqdim olunub.Təqdimatda Cənub bölgəsinin müxtəlif abidələri – Əliköməktəpə, Polutəpə, Alxantəpə, Qoşatəpə, Bilgəh abidələri və digər abidələrin dəfn adətləri, o cümlədən qəbir abidələri öz əksini tapıb.

Azərbaycan Dövlət Pedaqoji Universitetində Tələbə Həmkarlar İttifaqı Komitəsi tərəfindən yüksək bal toplayan tələbələrin mükafatlandırılması ilə bağlı tədbir keçirilib . Tədbirdə ADPU rektoru professor Cəfər Cəfərov , ADPU-nun Cəlilabad filialının direktoru, dosent X.H.Sultanlı, müxtəlif filialların rəhbər şəxsləri iştirak ediblər. Tədbirdə yüksək balla ADPU-nun Cəlilabad filialına qəbul olan Əhmədli İnci də mükafatlandırılıb. Qeyd edək ki, Əhmədli İnci 2025-2026-cı tədris ilində 584.4 bal toplayaraq ADPU Cəlilabad filialının Azərbaycan dili və ədəbiyyatı müəllimliyi ixtisasına qəbul olunub.

ADPU-nun Cəlilabad filialının daha bir uğuru !
“ Pedaqoji fakültənin dekan müavini” İsmayılova Elnarə Ataməli qızına 5804.01 –“ Ümumi pedaqogika, pedaqogikanın və təhsilin tarixi” elm sahəsi üzrə “Fəlsəfə doktoru” elmi dərəcəsi verilmişdir.
Bu münasibətlə kollektivimiz adından Elnarə xanımı təbrik edir, gələcək fəaliyyətində uğurlar arzulayırıq. Uğurlarınız davamlı olsun Elnarə müəllimə !

17 noyabr 2025-ci il tarixində Təbiət və sosial elmlər, onların tədrisi texnologiyası kafedrasının müəllimi H.İ.Babayevanın “Tarix və coğrafiya müəllimliyi” ixtisasının IV tədris ilinin TC 22 qrupunda “Regional fiziki coğrafiya” fənnindən – Avstraliyanın fiziki coğrafiyası mövzusunda açıq dərsi keçirilib. Açıq dərsdə dekan müavini, baş müəllim E.A.İsmayılova, baş müəllimlər B.C.Məhərrəmov, F.M.Mürsəlli, müəllim F.B.Rzayev, A.X.Hüseynova, R.S.Sabirli, M.Q.Dövlətzadə iştirak ediblər. Dərsdə mövzu aspektində tələbələrə Avstraliya materikinin mövqeyi, sahəsi, sərhədləri, geoloji dövr ərzində formalaşması istiqamətində informasiyalar verilərək, onun kəşfi tarixinə nəzər salınmış, materikin təcrid olunmasının onun fiziki-coğrafiyasına təsiri, relyef, iqlim, su, torpaq ehtiyatları, bitki və heyvanat aləmi, Avstraliya endemizmi ayrı-ayrılıqda tədqiq edilmiş və insanların yerləşməsinin fiziki-coğrafi şeritlə əlaqəsi aydınlaşdırılmışdır. Dərsdə problemli mühazirə, müqayisə, analitik təhlil kimi metodlardan, qrup işindən, Ayers Rock / Uluru –monolitinə aid video-çarxdan istifadə edilmişdir.

17 noyabr 2025-ci il tarixində ADPU Cəlilabad filialında Milli Dirçəliş Günü münasibətilə ümumfilial tədbiri keçirilib. Tədbirdə filialın direktoru dosent, X.H.Sultanlı, tədris və elmi işlər üzrə direktor müavini, c.ü.f.d E.V.Muradlı, Təbiət və sosial elmlər, onların tədrisi texnologiyası kafedrasının müdiri, baş müəllim S.A.İsmayılova, elmi katib N.K.Babayev və müxtəlif ixtisaslar üzrə tələbələr iştirak ediblər. Tədbirdə ilk olaraq şəhidlərimizin əziz xatirəsi 1 dəqiqəlik sükutla yad edilib. Filial direktoru, dosent X.H.Sultanlı xalqımızın azadlıq mübarizəsinin əsas mərhələlərindən birini təşkil edən 17 Noyabr – Milli Dirçəliş Gününün Azərbaycanın müstəqilliyinin bərpa edilməsində tarixi rol oynadığını, tariximizə Milli Dirçəliş Günü kimi düşən 17 noyabrın mənəvi əsaslarının əslində ötən əsrin 60-cı illərinin sonlarından Ulu Öndər Heydər Əliyevin Azərbaycana rəhbərlik etdiyi dövrdən başladığını vurğulayıb. Filialın elmi katibi N.K.Babayev çıxışında qeyd etmişdir: “Xalqa sağlam ruh və özünü dərk gətirən Heydər Əliyev Sovet ideologiyasının sərt qadağalarına baxmayaraq, milli-mənəvi dəyərlərə, elmin, mədəniyyətin dirçəlişinə xüsusi önəm verdi. Azərbaycan əsl intibah və dirçəliş dövrünə qədəm qoydu. Məhz Heydər Əliyevin təşəbbüsü ilə dünyanın müxtəlif ölkələrində təhsil alan milli ruhlu alimlər və ziyalılar ordusu yetişdi. Ulu Öndərin Respublikada yaratdığı bu mənəvi, psixoloji, iqtisadi baza təxminən 20 il sonra Sovetlər birliyi dağıldıqdan sonra xalqın dayağı oldu”. Tədbirdə filial tələbələrindən Quliyeva Zəhra, Kəlbiyeva Zəhra, Məmmədova Aysel, Məmmədli Gülay, Mirzəyeva Firuzə, Almərdanova Nişanə şeir ifaları və təqdimatları ilə tədbirin gedişinə xüsusi abu hava qatıblar. Tədbirin sonunda filialın ictimai-siyasi həyatında fərqlənən və xüsusi aktivlikləri ilə seçilən bəzi tələbələr – Bayramlı Ləman, Əliyeva Zeynəb, Qəhrəmanova Aynur “12 Noyabr – Azərbaycan Respublikasının Konstitusiya Günü” münasibətilə fəxri fərmanla təltif ediliblər.

31 oktyabr 2025-ci il tarixində ADPU-nun Cəlilabad filialında xalq şairi Bəxtiyar Vahabzadənin 100 illik yubileyinə həsr olunan “100 illik ədəbi irs və elmi baxış“ adlı konfrans keçirilib.
Konfransda Filialın direktoru, dosent X.H.Sultanlı, Dil-ədəbiyyat, pedaqoji elmlər, onların tədrisi texnologiyası kafedrasının müdiri, vaxtilə Bəxtiyar müəllimin tələbəsi olmuş filologiya üzrə fəlsəfə doktoru, dosent Y.Dadaşlı, “Həməşəra” mətbu orqanının təsisçisi və baş redaktoru, Azərbaycan Yazıçılar Birliyinin üzvü və “Ədəbiyyat və İncəsənət” portalının Cənub təmsilçisi, yazıçı-publisist, f.ü.f.d İlqar İsmayılzadə, Dil-ədəbiyyat, pedaqoji elmlər və onların tədrisi texnologiyası kafedrası”nın baş müəllimi, qabaqcıl təhsil işçisi T.İsgəndərov , Tədbirlərin təşkili və tələbələrlə iş şöbəsinin müdiri S.İsmayılova, Təbiət və sosial elmlər, onların tədrisi texnologiyası kafedrası”nın baş müəllimi Ə.Mirzəzadə, Filialın tərbiyyə işləri üzrə təşkilatçısı, Dil-ədəbiyyat, pedaqoji elmlər və onların tədrisi texnologiyası kafedrası”nın baş müəllimi A.İbişov, kafedranın baş müəllimi, 5 kitab müəllifi, tədqiqatçı-alim M. Qasımov, Filialın Elmi katibi N.Babayev, Cəlilabad rayon Göytəpə şəhər şəhid Vasif Hüseynov adına 2 nömrəli tam orta məktəbinin direktoru, Həməşəra və Nizami Gəncəvi Fəxri diplomları laureatı, ədəbiyyatçı, filoloq, ədəbi təhlilçi və tənqidçi, 5 kitabın müəllifi, şairə Şəhla Rəvan Mürsəlova,Filialın Kitabxana və Elektron resurslar şöbəsinin müdiri Ş.Cəbrayılov, Filialın İctimaiyyətlə əlaqələr üzrə məsul şəxsi Ş.Hüseynov, Göytəpə şəhər şəhid Vasif Hüseynov adına 2 nömrəli tam orta məktəbin dil-ədəbiyyat müəllimi Aydan Ələkbərli və müxtəlif ixtisaslar üzrə tələbələr iştirak ediblər.

Tədbirdə ilk olaraq Azərbaycan Respublikasının Dövlət Himni səsləndirilib, daha sonra torpaqlarımızın azadlığı uğrunda canından ,qanından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan filialın direktoru, dosent X.H.Sultanlı, Bəxtiyar Vahabzadənin Azərbaycan poeziyasına düşüncə dərinliyi, vətən sevgisi və vətəndaşlıq məsuliyyəti gətirən bir sənətkar olduğunu vurğulayıb.
Yazıçı-publisist, f.ü.f.d İlqar İsmayılzadə, bu gün keçirilən elmi konfransın məqsədinin onun zəngin ədəbi irsini, ideya dünyasını və milli dəyərlər sistemində tutduğu əvəzsiz yerini bir daha işıqlandırmaq olduğunu bildirib.
Dil-ədəbiyyat, pedaqoji elmlər, onların tədrisi texnologiyası kafedrasının müdiri, filologiya üzrə fəlsəfə doktoru Y.Dadaşlı, kafedranın baş müəllimi, 5 kitab müəllifi, tədqiqatçı-alim M.Qasımov öz çıxışlarında vaxtilə Bəxtiyar Vahabzadənin tələbələri olduğunu vurğulayaraq bununla fəxr etdiklərini bildiriblər.
Cəlilabad rayon Göytəpə şəhər şəhid Vasif Hüseynov adına 2 nömrəli tam orta məktəbinin direktoru, Ş.Mürsəlova Bəxtiyar Vahabzadənin yaradıcılığının yalnız ədəbiyyat deyil, bir xalqın düşüncə tarixi olduğunu dilə gətirib.
Dil-ədəbiyyat, pedaqoji elmlər, onların tədrisi texnologiyası kafedrasının baş müəllimi A.İbişov, B.Vahabzadənin təkcə bir müəllim deyil, həm də qəlblərdə iz qoyan dahi insan olduğunu nəzərə çatdırıb.
Göytəpə şəhər şəhid Vasif Hüseynov adına 2 nömrəli tam orta məktəbin dil-ədəbiyyat müəllimi A.Ələkbərli B. Vahabzadə poeziyasının illərlə tələbələrin dilində, düşüncəsində yaşadığını və yaşayacağını bildirib.
Daha sonra söz tələbələrə təqdim edilib. Filialımızın Azərbaycan dili və ədəbiyyat müəllimliyi ixtisasının I tədris ilinin tələbəsi Məmmədova Aysel, İbtidai sinif müəlllimliyi ixtisasının I tədris ilinin tələbəsi Quliyeva Hilalə, Azərbaycan dili və ədəbiyyatı müəllimliyi ixtisasının I tədris ilinin tələbəsi İmanova Fatimə,
Azərbaycan dili və ədəbiyyatı müəllimliyi ixtisasının III tədris ilinin tələbəsi Hüseynzadə Mirzəhra, İbtidai sinif müəllimliyi ixtisasının II tədris ilinin tələbəsi Məmmədli Gülər çıxış edərək xalq şairi B.Vahabzadəyə məxsus olan şeir ifaları səsləndirib və çıxışlar ediblər.

29 oktyabr 2025-ci ildə ADPU-nun Cəlilabad filialında Tədbirlərin Təşkili və Tələbələrlə İş şöbəsinin nəzdində fəaliyyət göstərən Tələbə Gənclər Təşkilatına sədr seçilməsi məqsədilə görüş keçirilib. Görüşdə filialın Tələbə və tədrisin idarə olunması üzrə direktor müavini E.Muradlı, Tədbirlərin Təşkili və Tələbələrlə İş şöbəsinin müdiri S.A.İsmayılova, İctimaiyyətlə əlaqələr üzrə məsul şəxs Ş.Hüseynov və müxtəlif ixtisaslar üzrə tələbələr iştirak edib. Görüşdə Tələbə Gənclər Təşkilatının sədri vəzifəsinin müvəqqəti icrası Azərbaycan dili və ədəbiyyatı müəllimliyi ixtisası üzrə III tədris ilinin tələbəsi Talıblı Jaləyə verilmişdir. Bu münasibətlə onu təbrik edir , gələcək fəaliyyətlərində uğurlar arzu edirik.