Author: adpu

22.04.2024-cü il tarixində ADPU-nun Cəlilabad filialında Tələbə Təhsil Krediti Fondunun (TTKF) tələbələrlə görüşü keçirilib. Görüşdə filialın direktoru, dosent X.H.Sultanlı, TTKF-nun Şöbə müdiri Tehranağa Abdullayev, filialın baş mühasibi İ.Quliyev, filialın TTKF üzrə məsul şəxsi R.Sabirli, müxtəlif struktur bölmənin əməkdaşları və tələbələr iştirak ediblər. Görüşdə TTKF haqqında tələbələrə daha dolğun məlumatlar təqdim edilib və tələbələri maraqlandıran suallar mütəxəssislər tərəfindən geniş şəkildə cavablandırılıb.

2024-cü ilin aprel ayının 8-də ADPU-nun Cəlilabad filialında “Keyfiyyət komissiyası”nın növbəti iclası keçirilib.
İclasda Filialın Strateji İnkişafı Planı ilə bağlı atılacaq addımlar, “İbtidai sinif müəllimliyi” ixtisası üzrə Proqram Akkreditasiyanın yekun məsələləri müzakirə edilib.

06.04.2024-cü il tarixində Azərbaycan Dövlət Pedaqoji Universitetinin Cəlilabad filialında “Fakültə Elmi Şurası”nın iclası keçirilib. İclasda Fakültə Elmi Şurasının sədri, pedaqoji fakültənin dekanı M.A.Rəhimova, müxtəlif struktur bölmənin əməkdaşları və professor-müəllim heyəti iştirak ediblər . Şurada 2023/2024-cü tədris ilinin II yarısında tədris prosesinin vəziyyəti , 2023/2024-cü tədris ilinin II yarısında keçirilən təcrübənin cari vəziyyəti, qarşıda duran vəzifələr haqqında geniş müzakirələr aparılıb və təhlil olunub.

29 mart 2024-cü il tarixində ADPU-nun Cəlilabad filialında “31 Mart Azərbaycanlıların Soyqırımı günü” ilə əlaqədar tədbir keçirilib. Tədbirdə, Təbiət və sosial elmlər, onların tədrisi texnologiyası kafedrasının baş müəllimi Ş.M.Namazova, Tədbirlərin təşkili və tələbələrlə iş şöbəsinin müdiri S.A.İsmayılova, şöbənin mütəxəssisi Ş.Hüseynov və müxtəlif ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra soyqırım qurbanlarının və torpaqlarımız uğrunda canlarından keçən qəhrəman Vətən övladlarının unudulmaz xatirəsi 1 dəqiqəlik sükutla yad edilib.

Tədbiri giriş sözü ilə açan Təbiət və sosial elmlər, onların tədrisi texnologiyası kafedrasının baş müəllimi Ş.M.Namazova öz çıxışında 31 Mart Soyqırımı zamanı xarici qüvvələrin ermənilərə dəstəyi ilə Bakı və regionlarda törədilən cinayətlərdən danışaraq S.Şaumyanın rəhbərlik etdiyi dövrdə 1918-ci ilin mart qırğınının genişlənməsi, daşnak-bolşevik dəstələrinin əhaliyə kütləvi divan tutması barədə geniş məlumat verib. Daha sonra Azərbaycan dili və ədəbiyyatı müəllimliyi ixtisasının II tədris ilinin tələbəsi S.Səfərova şeir nümunəsi ilə çıxış edib. Şeir ifasından sonra 31 Mart Soyqırımının vəhşiliklərini özündə əks etdirən video-çarx nümayiş etdirilib.

Cəlilabadda Novruz bayramı münasibətilə ümumxalq şənliyində ADPU Cəlilabad filialının kollektivi də iştirak edib
Martın 18-i 2024-cü ildə Cəlilabad Rayon İcra Hakimiyyətinin və Lənkəran-Astara Regional Mədəniyyət İdarəsinin Cəlilabad rayon nümayəndəliyinin birgə təşkilatçılığı ilə Cəlilabad şəhərində yerləşən Heydər Əliyev Seyrəngahında Novruz bayramı münasibətilə ümumrayon şənliyi keçirilib.
Bayram şənliyində ADPU-nun Cəlilabad filialının direktoru, dosent X.H.Sultanlı, professor-müəllim heyəti , müxtəlif struktur bölmələrin əməkdaşları və tələbələr də iştirak ediblər.
Tədbir iştirakçıları əvvəlcə xalqımızın qədim ənənələrini, dəyərlərini, mətbəxini, məişətini əks etdirən pavilyonlarla tanış olublar.
Ümumrayon şənliyində dövlət himni səsləndirildikdən sonra tədbir açıq elan olunub.
Tədbir rayonun incəsənət ustalarının və mədəniyyət kollektivlərinin iştirakı ilə geniş proqramlı bayram konserti ilə davam etdirilib.

7 Mart 2024- cü il tarixində ADPU-nun Cəlilabad filialında “8 Mart Beynəlxalq Qadınlar Günü” nə həsr olunan “Cənnət Mələyim” adlı ümumfilial tədbiri keçirilib . Tədbirdə filialın direktoru, dosent X.H.Sultanlı, pedaqoji fakültə dekanı M.A.Rəhimova, professor-müəllim heyəti, müxtəlif struktur bölmənin əməkdaşları, fərqli ixtisaslar üzrə tələbələr iştirak ediblər.
Tədbirdə ilk olaraq Azərbaycan Respublikasının Dövlət Himni səsləndirilib, daha sonra Vətən uğrunda canından, qanından keçən şəhidlərimizin əziz xatirəsi bir dəqiqəlik sükutla yad edilib
Tədbiri giriş sözü ilə açan filialın direktoru, dosent X.H.Sultanlı “8 Mart – Beynəlxalq Qadınlar Günü” münasibətilə dəyərli xanımları təbrik edib, onlara gələcək həyatlarında uğurlar arzu edib.
Daha sonra filial tələbələrinin hazırladıqları səhnələr: Məktəbəqədər təhsil ixtisasının I tədris ilinin tələbəsi Nağıyeva Fatimənin “Şəhid anaları”na həsr olunan musiqi ifası, Tələbə Gənclər Təşkilatının nəzdində fəaliyyət göstərən “Şən Hazırcavablar klubu”nun üzvlərinin: Z.Feyziyeva, A.Qurbanov, N.İsmayılov, M.Məmmədova, S.Səfərova iştirakı ilə “8 Mart Hədiyyəsi” adlı səhnəcik, R.Feyziyevin gitara çıxışı, filialın məzunu A.Əsədovun piano ifası izləyicilər tərəfindən maraqla qarşılanıb.
Tədbirin sonunda “8 Mart Beynəlxalq Qadınlar Günü” münasibətilə filialın bir sıra qadın əməkdaşları və tələbələri Filial rəhbərliyi tərəfindən “Fəxri Fərmanla “ təltif olunub.

6 Mart 2024-cü il tarixində ADPU-nun Cəlilabad filialında Tədbirlərin təşkili və tələbələrlə iş şöbəsinin təşkilatçılığı ilə “8 Mart Beynəlxalq Qadınlar günü”nə həsr olunan ” Cənnət mələyim ” adlı şeir müsabiqəsi keçirilib . Müsabiqədə müxtəlif ixtisaslar üzrə tələbələr iştirak ediblər. Tələbələrin şeir ifaları münsiflər heyəti tərəfindən dinlənilərək qiymətləndirilib. Nəticələrə əsasən ilk 3 yerin sahibləri, fərqləndirmə və həvəsləndirmə ilə təltif olunan tələbələrin siyahısını nəzərinizə çatdırırıq.
I yer – Azərbaycan dili və ədəbiyyatı müəllimliyi ixtisasının III tədris ilinin tələbəsi Ağaverdiyeva Ceyhunə Hafiz qızı
II yer – Azərbaycan dili və ədəbiyyatı müəllimliyi ixtisasının II tədris ilinin tələbəsi Səfərova Səbinə Oktay qızı
III yer – İbtidai sinif müəllimliyi ixtisasının IV tədris tələbəsi Feyziyeva Zəhra Salman qızı , Azərbaycan dili və ədəbiyyatı müəllimliyi ixtisasının II tədris ilinin tələbəsi Muradova Aytən Cavid qızı
Fərqləndirmə – Azərbaycan dili və ədəbiyyatı müəllimliyi ixtisasının I tədris ilinin tələbəsi Nuraliyeva Təbərrik Etibar qızı
Həvəsləndirmə – Azərbaycan dili və ədəbiyyatı müəllimliyi ixtisasının I tədris ilinin tələbəsi Kərimova Nərmiyyə İsa qızı
Həvəsləndirmə – Azərbaycan dili və ədəbiyyatı müəllimliyi ixtisasının IV tədris ilinin tələbəsi Əlizadə Nihad Himayət oğlu

Qalibləri təbrik edir və gələcək fəaliyyətlərində uğurlar arzulayırıq.

26 Fevral 2024- cü il tarixində ADPU-nun Cəlilabad filialında ” Xocalı Soyqırımı”na həsr olunan tədbir keçirilib. Tədbirdə filialın direktoru, dosent X.H.Sultanlı, Cəlilabad rayon Gənclər və İdman sektorunun baş məsləhətçisi Salamat Nəcəfov, aparıcı məsləhətçi Azər İbişov, Tədbirlərin təşkili və tələbələrlə iş şöbəsinin müdiri S.A.İsmayılova, şöbənin mütəxəssisi Ş.S.Hüseynov, Təbiət və sosial elmlər, onların tədrisi texnologiyası kafedrasının müəllimləri F.Rzayev, F.Mürsəlli və müxtəlif ixtisaslar üzrə tələbələr iştirak ediblər.

Tədbirdə ilk olaraq Vətən uğrunda canından, qanından keçmiş şəhidlərimizin və Xocalı qurbanlarının əziz xatirəsi 1 dəqiqəlik sükutla yad edilib.
Daha sonra filialın direktoru dosent X.H.Sultanlı çıxış edərək “Xocalı Soyqırımı” zamanı xalqımızın başına gətirilən müsibətlərdən bəhs edib.
Eyni zamanda Təbiət və sosial elmlər, onların tədrisi texnologiyası kafedrasının müəllimi F.Mürsəlli, Cəlilabad rayon Gənclər və İdman sektorunun baş məsləhətçisi, S.Nəcəfov da öz çıxışları zamanı erməni vandalizminin illərlə xalqımıza düşmənçilik siyasəti aprmaqlarından bəhs edərək məhz “Xocalı soyqırımı”nın da buna sübut olduğunu vurğulayıblar.
Çıxışlardan sonra bu kədərli günə həsr olunan video-çarx tədbir iştirakçılarına təqdim olunub.
Tədbirin sonunda filialın Azərbaycan dili və ədəbiyyatı müəllimliyi ixtisasının tələbələri C Ağaverdiyeva , S.Səfərova, L.Süleymanlının şeir ifadələri tədbir iştirakçıları tərəfindən dinlənilib.

23 .02.2024-cü il tarixində Azərbaycan Dövlət Pedaqoji Universitetinin Cəlilabad filialında “Proqram akkreditasiyası”nın növbəti iclası keçirilib. Təşkilat komissiyasının sədri, pedaqoji fakültənin dekanı M.A.Rəhimova və komissiya üzvlərinin iştirakı ilə keçirilən iclasda özüntəhlil hesabatının yekununun müzakirəsi və qarşıda duran məsələlər geniş şəkildə təhlil olunub.